[poem=font="Tahoma,5,crimson,bold,italic" bkcolor="transparent" bkimage="backgrounds/20.gif" border="none,4,gray" type=2 line=0 align=center use=ex num="0,black"]
للمعاني والمبادي في ذهون العاقلين = مثل ساسٍ ينصبونه حافر قاع الصخر
خصنا رب العباده في وجوده مسلمين = في دعاء الرب ندعي مؤمنين بالقدر
من عصور الجاهليه لين وقت الصالحين = كم وكم باللي جحد ربه وغرقه البحر
كم وكم واحد عصى واستحوذوبه ظالمين = جره ابليس برداته في نزول المنحدر
اشهد ان اللي خلقنا لااله الا المعيـــن = واشهد ان محمد مرسل نبي واقتدر
ادى واجبه الالهي من اله العالمين = يوم اوحى له تعالي كلمة جات بسطر
اقرا كتاب مطهر مرشد للكافرين = علم الانسان لله حكمة فوق البشر
علم المفروض خمسه في صلاة ساجدين = في زكاة نبتديها ثم صيام بالشهر
ثم حج البيت مره مع سبيل القادرين = مثل من صام الشهر في بيت ربه واعتمر
ارسل بدينه محمد مبتدى بالمشركين = ناصح عمه وقومه من عبادات الحجر
داعي الله بالخفاء من نور قلبه مستبين = اعلن الاسلام لله قالها بسر وجهر
واستدلينا بحديثه من دليله مقتدين = ثم رووا منه الصحابه عقب ماجاه القدر
ثم تولوا بالخلافه تابع له تابعين = ناهجين اللي مشابه بالعباده والشكر
ربنا سبحانك الله في ركوع راكعين = من على الدنياء مصيره في زوال لامفر
رابح منهو تعلق في طباع الخيرين = والرجوله ماتثمن غير حزاة الصبر
في مجالات الحقيقه ناصح للقانعين = والله انه بالمكانه راكب سطح القمر
لاتقيد بالشهامة والكرم مد اليدين = للفقير وللضرير ،، اللي معرض للغدر
الثلاث البيض قالوا في طواريها الثمين = الرفيق اول بياض لا خلا منه القصر 1
والقصير اللي تعده من رصيد الوالدين = مالك الا تكتفي به ذخر في كل الدهر 2
ثم حقوق الضيف تعطى للرجال المقبلين = من مريض او عزيز واللي جاي من سفر3
من تعلى في مراسمها ثبت مع الاولين = مع كريم الجود سبلا راعي البيت الشعر
معطي المجلس حقوقه في كلام الاخرين = من بدى نظم السوالف او تعداه بكبر
واثق باللي يقوله معتبر بالطيبين = مايرد الريع للي نازل تحت الصفر
كلمة ونعم بوزنها كايده للناقصين = كود منهو بالمعاني والمخابر منتصر
مثل شرواكم وشروى ربعنا اللي سامعين = اختصرت بهالقوافي واعذروني والعذر
شاعر قال الحقيقه والحقيقه لو تبين = قلتها عند النشاما في حديث مختصر [/poem]
وصح بدنكم