لهيب الصمت يحرقني وصوتك بس يطفيني
................................علامك يابعد عمري قطعت الصوت والصوره
على ذكرك انا دايم وشوفك بس يكفيني
................................مناتي اعيش هالدنيا ونفسي حيل مسروره
تعالي يا امل بكره تعالي واشعري فيني
................................ليالي هالعمر تمضي وعيني صدق مقهوره
انا همي اعيش وياك على كيفك تسليني
................................نعيش احلى حياة اثنين بالافراح مغموره
سئلتك بالذي كون جمالك يانظر عيني
................................تعالي لا يموت الحب مدام احلامنا زهوره
رجيتك اتركي العالم ودليني بعناويني
................................ترى جداري على ذكراك تحطم بالشقى سوره
اداري رغبتي عنده واقول ارجوك آويني
................................ابي نصف الصبر منك يكمل نصفي في دوره
تعبت كثير في الدنيا ودارت عجلة سنيني
................................ولا ادري كيف انا اقدر اعشم قلبي بحضوره
عيونك يامل بكره تسافر وما تلاقيني
................................تعبت اطرد سراب الحب وصبري ضاع من طوره
ابي لحظة لقى وياك من الساعات تغنيني
................................ترى بيتي مايسوى بدونك وانتي له نوره
عطيني قلبك النابض والا تعالي واخذيني
................................خذي قلبي خذي عقلي خذي حرفي وشعوره
مدام انك قطعت الصوت والصوره ما ابيني
................................انا احوالي بعد هالحال يابنت الناس مستوره
انا عندي امل القاك وتصافح كفك يديني
................................عسى الايام تجمعنا ياقلبي صوت مع صوره
وافي الوعد
رد مع اقتباس
المشاركة الأصلية كتبت بواسطة وافي الوعد
