السلام عليكم
عندي حاجه اليوم بحرّج عليها
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حراج واحد ,, حراج اثنين=من يشتري مني أشعاري
كل القصايد على السكّين=وأعلمّه جملة أسراري
وان الحقايق لها وجهين=ويعزف على أحزن أوتاري
يعيش وبداخله قلبين=ويبحر مع شارد أفكاري
وشلون يلعب على الحبلين=وشلون يتقمص أدواري
ويتوه بين القسا واللّين=ويكتب على ثلجي وناري
يضحك مع العالم الغافين=ويبكي اذا للحزن طاري
ويسامر جروحي الغالين=وياخذ من الذاكره ثاري
مليت من هجره وتوطين=مليت من طول مشواري
مليت من لعبة التخمين=وأجامل الحظ وأقداري
من يشتريها ولو بالدّين=دفاتري ,, حبري ,, أسفاري
حراج واحد حراج الفين=من يشتريني مع أشعاري
وأعطيه قلبي على السكين=ياناس مافيه أحد شاري ؟[/poem]
الظاهر لو أحرّج الى السنه الجايه ماحولي أحد خخخخخخخخخ
وسلامة الجميع