[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=1 align=center use=ex num="0,black"]
قم يا قصيدي ترى صبرى وصـل حـده=دام القلم ماسكـه مـن بيـن الأبهامـي
ابشعلـك ليـن عطـرك ينتثـر نــده=فوق الـورق بنثـرك واتعبـك اقلامـي
شعري وانا اعرفك جـزلٍ بالعطـا مـده=جم(ن) بحـر يغـرق السبـاح لاعامـي
خويي اللـي مصافينـي علـى الشـده=لا صارت المسأله من خصم الاخصامـي
اليوم يومـك وخـل الفعـل مـن جـده=اضرب بسف(ن) قوي(ن) موجع(ن) دامي
الشيء لا زاد عـن حـده قلـب ضـده=يبوح صمت الغضب مـا عـاد ينلامـي
صحيح من قال يظهـر لـك مـن البـده=منهو حسـود(ن) وعـذال(ن) ولوامـي
لو هو مع الناس عنـي مظهـر(ن) وده=أدري بقلبـه تمنـى لحظـة اعـدامـي
فى داخله فيض غيض بحقـد(ن) يحـدهنقص(ن) بنفسه كما نـار اللهب حامـي
مثل الـذي لـو نجاحـي تملكـه يـده=كان اعترض لي وسـد الـدرب قدامـي
لكـن ربـي جعـل هـالارض ممـتـده=للي طموح(ن) على تحقيـق الاحلامـي
والناس كل(ن) يجي ثوبـه علـى قـدهقامات تعـرف بهـا الوافيـن واقزامـي
واللي يبي المجد يبـذل جهـده وجـده=فعل المكارم يبيلـه نـاس(ن) اكرامـي
يقولهـا اللـي مـع الايـام و الـمـدهمتخرج(ن) من مدراس سـود الأيامـي
مسعود الرشيدي[/poem]
رد مع اقتباس
