السلام عليكم ورحمة الله و بركاته ..

أنا قديييمة بهالمنتدى و فيكم يمكن إلي يعرفني و فيكم إلي ما يعرفني ..

وبفضل الله هالمنتدى واااايد وايد استفدت منه وخصوصا ألحين دخلت عالم العرايس ..

وايد خلطات و أفكار و مواضيع استفدت منها

ويا دوري اني افيدكم ..


أنا شعري ولله الحمد من الشعر المتوسط يعني لا ثقيل ولا خفيف ومن بعد الثانوي ولمن تحجبت الحمد لله على نعمة الحجاب وما ادري اذا له علاقة او لا بس شعري باختصار

تالف ..
باهت ..
تعبان ..
نااااشف ..
مشكلته مو يطيح لا لا .. تخيلو الشعره تتعب ووتقطع من النص ..
والله لا يوريكم الاطراف لو شنو اقصها متقصفة وتفشل

الحمد لله على كل حال

وبصراحة انا من النوع الخوااااااف اخاف اخاف احط شي بشعري وفترة اعالجه باشياء طبيعية بس ما لقيت نتيجه

تخيلوا من 3 سنين افكر بالكيراتين و وقريت عنه وايد عن فوايده وعن اضراره و بفضل الله وصلت حق ان الي يصير بصالونات الكويت كللله تقليد و تمليس يتلف الشعر ..
وناس ما عندهم ذمة ولا ضمير .. طبعا ما اعمم ولكن الاغلبية ..

غير النتيجة الي اشوفها على الي سووه يصير شكله مسيم وواقف


قريت بهالمنتدي عن وحدة اسمها ام عبد الرحمن .. اول شي خفت وشكيت ان دعاية ..

بس بفضل الله توكلت على الله ولاني عروس وشعري ما يتحمل كل يوم استشوار و محتاجة شي سريع اذا زارني المعرس ..


توكلت على الله ورحتلها والله على ما اقول شهيد مرة كويتية تخاف الله مثقفة ومحترمة و ترتااااحين من التعامل معاها .. صج اني تخوفت ان ببيت في البداية ولكن حاطتلها مكان منعزل ببيتها تدخلين شكله صالون بكامل تجهيزاته ..


و اي شي تسئلينها تجاوبج بصدر رحب سألتني عن شعري و معاناتي معاه ... وطلعت منها وانا بس ادعيلها

قالتلي الانواع الي تحطهم اصلية وما فيهم نقطة تمليس ..


بنات شعري والله لممممممعة لمممممعة لممممممممممعة

ومو خيوط مسيمة لااا في لفات طبيعية و الاطراف لافة وتهبل الي ما تخيلت ان اطرافي تصير جذي ..

الحين والله اتسبح بس عشان اشوف شعري واهوا ينشف انا شعري كيرلي كييرلي نفس ميريام فارس لو اخليه ورا السبوح ..

الحين طااايح والاهم ان شكله طبيييييعيييييي طبيييعيييييي

قبل لازم اروح الصالون اطيحه باستشوار بعدين اسويه فير بالبيت اذا عندي مناسبة

الحين ما ياخذ مني وقت كللللش استشوار بسيط ولا على طول ستريتر ..


انا حطيت الموضوع عشان تستفيدون .. مثل ما انا قريت موضوع من 3 سنين واستفدت ..


والي تستفيد من موضوعي هذا تدعيلي بان الله يألف ما بيني وبين زوجي

ويسرلي اموري و يحفظلي أمي يااا رب

..