احب مصافحتكم بهذه الابيات المتواضعه وان شاء الله تنال رضائكم واعجابكم
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مني تحيه للمديرة والأبلات = والمدرسة وأيضاً عموم الوزاره
أنا احمدالله يوم جات الشهادات = نجح وليفي ما طلع بالخساره
أخذ على كل الفصول امتيازات = وأخذ بعد تقدير عند الإداره
والشكر والتكريم واسمى التحيات = ومع الهدايا قدمو له سواره
ويوم استلم وزع على الحفل ضحكات = وكل دعا له في مناه ومساره
وساعة لقيت اسمه على صفحة ( الشات) = (وفلان) أرسلى من العلم شاره
فزيت فزت من غدا ذوده اشتات = حافوا عليه القوم واخلوا دياره
ومن الفرح دمعي على الخد زافات = يشدي تخابيط المطر في قراره
وناديت باسم مورد الخد مرات = مبروك ياللي في رموشك عطاره
يازين حبك مثرٍ في سجات = أبي يمين الدرب وأعطي يساره
إليا أختليت او صرت وسط البنايات = ولا استويت اسوق جوف الغماره
ولا مشيت مع الطرق والمسارات = ولا أوقفتني فالطريق الاشاره
طيفك ملازمني مدى كل الأوقات = حرقتني حرق الشخط للزقاره
وأنا ولا أقبل فيك يالترف سومات = لو هم عطوني فيك عشرين أماره
أنت إختياري عن جميع الخيارات = يوم إن كل راحته فختياره[/poem]