يمه ليه أنا غير الأطفال وشلون
كيف لو هربت منك ما تلحقيني
يمه أبي مثل كل البشر يقولون
لما تدورهم ومن أمهم يتخبون
أبي أقول ماما متخبيه وين تلقيني
أبي نتطارد شويةعفرته وجنون
بعد التعب بحضنك يا الغاليه تاخذيني
كل البنات للباص مع امهم يستنون
الأ أنا واقفه ودمعتي ماليه عيني
الأبله تقول كل البنات امهاتهم يجون
الأ أنتي وين أمك أبغا امك تجيني
كرموهم علي الساحه وامهاتهم يصفقون
الأ انتي يا ماما أدورك ما شفتك بعيني
ماما حضنك الدافي أحتاجه أنا عون
أحتاج منك كل ليله تطمني علي وتقبليني
ردي علي ماما ليه مو زي ام أمون
تاخذها بلفه وودها تاخذني توديني
بس أنا قلت عندي ماماتي ما تدرون
بكره ماما لكل لعبه ماما توديني
ماما ليه ما تمشين كل الناس يمشون
وقفي وأمشي أبي خطواتك توريني
ماما قالو معاقه سمعتهم يقولون
لبيه يمه يا غلاتي يا نور عيني
وغلاتك كل هالعالم ما يساوون
لحظه حنانك يوم لصدرك تضميني
كلي أسف يا اغلي من العين والنون
أسفه لكل كلمة جرحتك سامحيني
حبيبتي أنتي اعظم أم في كل هالكون
يكفي تحملتي التعب حملتي وجبتيني
إهداااء إلي كل أم تغلبت علي إعاقتها وتحملت كل تعب
لتهدي الحياة طفل يمشي علي الأقدام فيعبد ربه ويحمده