ســـر يــاقلـــم وانقش علـــى بيض الاوراق
وخــــط الحبـــرمن دم قلبــــي وثره
وانقـــش من اللــــي خافيـن وسـط الاعماق
مــــايعلمــه كـــود من يعلــــم بسره
... ...
البارحـــه صــــدري من العشــــــق فتــاق
تناهـــش ضلـــوعـــي ثمانيـــن مره
سرتنــــي اطيافـــه وســـرتنــــي الاشواق
وعرضت نفســـي متاهاتـــه الخطره
بعـــد أجتمعنـــا وصــــــار الحـــب ميثاق
غرستله وســط الضلوع الحدب بذره
ياصـــاحبــــي نبت المحبـــه علــــى ساق
مايــرتوي غيـر من نظراتك الخدره
لا تقطــــع عــــروقــي وتعلـــــن بالفراق
ويصير كبـر الكــون فمساوي الذره
لــك العهـــــد منــــــي ولـك حـــب ميثاق
ابقى على ماقلت وابصم على العشره
لو شمـسنـــى دارت وغـــــابت بـالاشراق
منســــاك لــو الارض تنكـــر الجره
وتـــرا فــــراقـــك علــــى القلـــب حراق
مثـل اللهيب اللـــي تقادحبــه الجمره
كلمات
محمد الروقــي
رد مع اقتباس
