قصيدة في صقر العرب خادم الحرمين الشريفين حفظه الله تشرفت بإلقائها
في احتفال اليوم الوطني في مركز الملك عبدالعزيز التاريخي
جـرا لـي ليلـةٍ روحـه وجيـه
مع دروب الهجـوس الخرمسيـه
وعلى رجم الشعر اطلـع وحـول
ادور للـجـزيـلات الـوفـيــه
لجل اصف ملك والوصـف كايـد
مهمـه حيـل للشاعـر قـويـه
بحور الشعر تغرق فـي محيطـه
ونغـرق ماوصفنـا لـه سجيـه
ملك لامن وقف تاقف لـه ملـوك
ولا منـه مشـى كلـن خـويـه
ولامنـه تكلـم كـلـن أصـغـى
ولامن شار شـوره شـع ضيـه
ياحلحيـلٍ يحـل امحـال حـلـه
ماتصعب عنـد ابومتعـب قضيـه
ليا كبـرت وضاقـت ثـم صكـت
تسنـد لـه وترجـع بـه شليـه
سوات سهيل بشرى خيـر شوفـه
تباشره العـرب هالشـوف حيـه
ملك لو صاح مسلم اخـر الارض
تجـزوا وانتهـض كلـه حميـه
( انا في خير دام الشعب في خير )
نرددهـا فخـر صبـح ومسـيـه
حنانـه لـو يـوزع للخـلايـق
يعـم السلـم مابـيـن البـريـه
سكن بقلوب تسكن وسـط قلبـه
ملكنـا لـه مشاعـرنـا نقـيـه
مطر لامن حظر يخضـر موطـن
ويزهـر شعـب والعيشـه هنيـه
فصول العام وسمي مـن كفوفـه
عطـا مبـروك مثـل العقربـيـه
تلاحم شعـب يلجـم كـل حاقـد
ويقطـع روس للفتـنـه رديــه
ملكنـا لـو يأشـر بـس بصبـع
على امـره نجـي مثـل السريـه
إلهـي تحفظـه صقـر العروبـه
وتحفـظ دولـةٍ للـديـن فـيـه
وانا لاشـف لـه صـورة اوقـفّ
امامـه استعـد اضـرب تحـيـه