[frame="3 80"][poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحــــه يابـــوي مشغول فكري=افـــكار ودتني وجابتني افكــار
هواجيس هم على البال تطري=جلست اعاندها ليا حـــد الاسحار
يابوي انا شايل ظلم الايام بدري=ودورات الايام ماتعرف اصغار وكبار
يابوي من هو غيرك اعطيه سري=يابوي والله في الحشــا شاعل نار
يابوي عطني الشور يفداك عمري=تكفى تراني تايه بين الاشـــــوار
وتكفى ترى دمعي تخالط وحبري=واللي حصلي من عند الله اقدار
ماغير اسلي القلب من قل صبري=ماعاد لي قلب علــى الجور صبار
حمل ثقيل وشايله فوق ظهري=حمول ثقيله وزمامها قصف الاعمار
يابوي غربة روح مالي مقري=وشورك وصلني وانقشع عتم الانظار
ورجاي بالله عالم بي وبامري=اللي له الخيره على كل ما اختار[/poem][/frame]