بسم الله الرحمن الرحيم
مساكم الله بالخير يامصرقعين أنا بقول لكم قصه حصلت لنا في يوم من الايام
كنت أنا وسهم وعشق ويم يم وRich Man معزمين نمسك الخط(يعني بنسافر)
قال لنا عشق خلونا نروح لجده أحسن قلت أنا قدااااام قال يم يم خلااااص قدااااام
وقال سهم لالا نروح للقصيم أحسن<---طلع طلعه مالها سنع،،،
المهم و ريتشوشي ساكت يناظر فينا ويقول بروح معكم قال عشق خلاص بتروح
جمعنا القطه كل واحد 250 ريال<--- أخس يالكاااااااش،،
حصلت لنا مشكله...نروح بأي سياره؟؟عشق صرفنا وقال سيارتي في الوكاله
سهم قال سيارتي بأعطيها أخوي ويم يم يجينا دايم مع السواق(يعني ملحط)
وأنا زحلقتهم قلت ماتكفي السياره<---نصااااااب كبير..
المهم نط ابو الحروف(تعرفونه اللي في برنامج مدري وش اسمه)
اللي هو ريتشوشي وقال سيارتي تكفي وجاهزه وتوني مغير زيت ومركب كفرات
قلنا يالله نروح في الاودي مع فصوووووول..المهم أجتمعنا كلنا وتأخر علينا يم يم
لان السواق حقهم كان نايم ولا جابه لنا ومامعه الا بيجر وكل شوي يدق عليه سهم
ويحط له 999 يعني ضروري<----ياقدمك بعد..
ويم يم شوي ويصيح يبي يلحقنا الزبده راح له عشق بليموزين يجيبه يعني راحت
10 من القطه،،والحمد لله تجمعنا ومسكنا الخط<---صار قطو مو خط..
والله يهديه فيصل كان مسررررررررررررع مررره يعني صافط ام 280
والشباب فالينها في السياره عشق راكب قداااااام وسهم ويم يم يتطاقون كل واحد يقول
أبي اركب عند الباب...حليت المشكله قعدت في النص وخليت كل واحد عند باب
الزبده عشق كان يقول أنا بغني وكلكم تردون وراي...
اول أغنيه ذكرنا بالماضي قام يغني ذيك الاغنيه حقتي:
صي يووو رايح رايح..صي يووو جااااي..صي يووو يشرب مويه وشااي..
والعيال متحمسين يرددون وراه(شفتي يامخمخ انها حقتي)شوي والا سهم طلع علينا طلعه
مالها سنع قام يردد خروفي خروفي لابس بدله صوفي<---مدري وش جا سهم!!
في نص الطريق الله يبثره يم يم قال ابي الحمام(تكرمون)وقفنا والرجال تأخر شوي لانها
كانت مزحومه يوم رجع يتطاق هو سهم ابلشونا كل شوي متطاقين والله وينفخ عليهم
فيصل وقااال ترى والله لاخليكم ترجعون مع راعي سطحه اذا ماعقلتو..وعقبها ماعاد
سمعنا لهم حس،،،المهم فيصل الله يهديه كان مررررره مسرع وأنا ساكت من الخوف
شوي وإلا يطلع في وجيهنا ذاك البعير(سفينة الصحراء)سهم نام من الخوف ويم يم قام
يتشهد وأنا وعشق نصرخ على فيصل يمممممممممممممممممممممه ارفق يمين يمين
لالا لالا يسار يعني أربشناه في الطريق شوي وينفخ علينا وقال ماعليكم والبعير كان يمشي
يوم شافنا وقف في نص الطريق يعني أستقعد لنا......(هنا الزبده من القصه):
ويقوم فيصل ويضغط زرار عنده جنب الطبلون وتصغر السياره وأنضغطنا فيها الا والله
وندخل من بين رجلين البعير شوي ورجعت السياره نفس حجمها وألتفت وأشوف البعير
الا وهو يأشر بيده بالابهام ويقول GOOD والله منتب سهل يافيصل الوعد إذا رجعتوا..
أثر السالفه فيه عداوه بين فيصل والبعير بغينا نروح ضحيه..
بس وقتها كان فيصل خطييييييير بس محد يقدر هالشي...ولاحظوه بعدين تعرفون انه مو سهل
(GAME OVER)
صي يوووووووو