غن الجفا وش عاد باقي غنه
غنيت وصلك مير ماغنالي
حبك مهو مفتاح باب الجنة
لا غاب غالي جا بداله غالي
ياكثر من غيرك ضحك لي سنه
ولا لد لاشعري ولا موالي
@@@
يوم ان قلبي تاقلك يوم انه
ضيع معاك الاولي والتالي
من كثر حبك مانشدتك عنه
سلمت لك قلبي وانا مابالي
شافنك عيوني ولا شافنه
يعني على ماقيل ماني خالي
@@@
جتك المشاعر كلها مستنه
والحقتها بشت الغلا وعقالي
لا احتر شوقي من لهيب كانه
لا صار صدرك ماهو بمقيالي
لا تلوم قلبي يامخيب ظنه
لا ما تعز النفس وش يبقالي
@@@
رد مع اقتباس
