هذه القصيدة مجاراة لقصيدة الشاعر فهد المساعد <يبه>فقد استثارتني معانيها فلم أشعر إلا بقلبي ينبض بإحساس مختلف..والقلم يسبقني ليرتب أبجدياته..لأكتب خلجات نفسي..لأن ماسمعته في القصيدة يوازي مامررت به...فلقد كتبت في مقدمتها:
حينما يأبى القلب الكتمان..تنفجر مشاعر الأحزان.. وتتأوه عبارات الحنان..بفراق أغلى إنسان..فإلى الغائب الحاضر دائماً في قلبي <أبوي> اكتب فيه:
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يافهد تشكي ومـن قبلـك شكيـت=وجدد همومي حرفك اللـي كتبتـه
قامت تسابق دمعتي يـوم ونيـت=يومك ذكرت الحال قلبـي طعنتـه
في ذمتي أبكيت دمعـي وحنيـت=لأغلى خفوق(ن) ضمني واحتضنتـه
أبوي راح وصورته فيني أبقيـت=بين الضلوع وبين رمشـي دفنتـه
نزف وريدي ومن حولـي ابليـت=قوم(ن) تشـك تقـول عقلـي فقدتـه
ماأنلام انـا يانـاس والله جنيـت=هم(ن) علـى قلبـي كريـم(ن) بصمتـه
قمت آتخبط بين جـدران هالبيـت=فيني شعور يقـول إنـك رجعتـه
أثره خيالك كل مااصبحت وامسيت=في كل لحظه كن زولـك لمحتـه
لاواعذابي جـف دمعـي ومليـت=بعدك انا ذقت العـذاب وشربتـه
تعـودت دنيـاي هـم(ن) وظنـيـت=إن الحزن أيـام وأثـري حلمتـه
ماينتهي حـزن وبفـراق مريـت=هذا شعوري يـوم( آبيـي) ذكرتـه
سـلام ياللـي للمساكيـن لبيـت=وأطعمتهـم وأكسيتهـم مابخلتـه
سـلام ياللـي بالمكـارم تحليـت=طيب حنون وكـل قلـبٍ سكنتـه
صاحت حروفي وقف الشعر ياليت=يوصف شعوري بعض شعر(ن) كتبته [/poem]
تحياتي...أختكم:القرينية........ ....................................