السلام عليكم
يقول
[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الصبح لاح ولا هنا عيني النوم=واستهلكت صدري مدافن همومه
شكواي للي عالم بكل مكتوم=حيث ان عيني عن عباده كتومه
اسوق ضحكاتي على طارف القوم=لكن صدري ضايقاتٍ هدومه
هم اليالي لـ اصبح الصبح مردوم=بين المحاني جامعٍ منه كومه
الله على الي حدني واكثر اللوم=ياشيب عين الي رفيقه يلومه
تحدني عنه المعاذير وآشوم=عين الرضا عن كل عيب مْغَمُوْمَه
كثر العطا له في قفى كفي وسوم=مير الكريم يخشها في كمومه
اسقي قراح الماء وانا ارواه مسموم=واخاف سدي لا تزحزح ردومه
يامن يورد لي سعادة وابااسوم=واعطي يمينٍ ما يبي من يصومه
راح العمر يا مسرعه كنه حلوم=ليته هنالي واحدٍ من حلومه
عز الله اني لو تشكيت مظلوم=والعيد قرب ما تحريت يومه
واليا دنا موتي فنا خافي علوم=عبدٍ رجى العلام يرحم علومه
الله يهونها على كل مهموم=والله يجيب من السعد ما نرومه
والله يفك من العقد كل محزوم=والله يعوض كل نفس محرومه
[/poem]
وسلامتكم,,,