[mark=0000FF]السلام عليكم جميع
مع فائق احترامي لكم, وجل اهتمامي بكم .
اقدم لكم هذي الابيات المتواضعه والحكم لكم [/mark]
[poem=font="Arial,5,darkred,bold,normal" bkcolor="transparent" bkimage="" border="inset,4,limegreen" type=2 line=0 align=center use=ex num="0,black"]
يامرحبا حياك ربي ياسلمان = اقلط هني اسليم ربعك قريبه
حياك ربي عد ماهل هتان = وبل الحيا لاراد ربي يجيبه
يامرحبا والله بعظيمة الشان = ترحيب من خاطر ونفسً أديبه
والبيت بيتك واعزم الضيفان = وابشر بمايسرك لك الله انجيبه
حنا سليم أهل المكارم والأحسان = واهل فعولً طايلات وعجيبه
ضفران يوم الأش ردي وجابان = وفعولنا على سوانا تعيبه
ياماسهجنا الخيل في كل ميدان = في نصرة الدين الذي نهتديبه
صلنا وجلنا والله اكبر ياماكان = لنا من افعولً تعد وصعيبه
تاريخنا شاهد على كل ماكان = كم كان في اقلوب العدى لنا هيبه
حنا سليم امغلقة كل ديان = ماهمنا فلوقت شينه وطيبه
لاعودت للحرب والضرب شجعان = ياجاهل فينا يامال الذهيبه
يوم المبارز ربعنا فرسان = واليا اعتزي احدنا يجونه كتيبه
احرار ماعشنا مذله وفقران = وكل بجوده من العرب مانعيبه
ونعم في كل القبايل ولاهان = من ينتسب لاصله وربي حسيبه
والاش لاش ولاتخاويه يافلان = تكفي لتبرى الاش كبه وسيبه
لاجت لزومه راغ خلاك روغان = خذ الحذر من خوته وش تبيبه
ماثاب نفسه دون ينفعك هبوان = مافيه خير العمرة ازرى يثيبه
مغير جهمة رجل في وسط خلقان = واخيبتك ياللي تبي تعتزيبه
ايجيك ماشالله عليه اللسان = ويغش بعض الناس هذا المصيبه
ويغش ناس اوتنخدع فيه عربان = ومن يم خواله تجيه الشعيبه
وان صملة عليه ياسرع مابان = بين رداه الله ليقطع نصيبه
اوصيك فامجالس ذريفين الايمان = اهل الكرم وهل الصدور الرحيبه
امعربين الاصل والفصل شيخان = تلقي مواري شكلهم يندريبه
وليازهمة الضفر تلقاه ذيبان = يا قف معك يلو فا أكبر مصيبه
امشرعة ذرااااايف البيبان = ما سكرت لوانهم في مغيبه
امكرمين الضيف انشهد ومزبان = العيب ينقزهم ولافيهم ريبه
الطيب فالجواد ميراث جدان = ميراث لطيب مايجي غصيبه
الله وانا محمد والطيب عنوان = موتي ولا عيشت حيات الغليبه
اموت موتة عسر والراس مالان = وانكان ماني قدعلمي ماجيبه
تبون علم الصدق تراي زعلان = واصل الزعل علي حاجه غريبه
لابارك الله في اقوله لياكان = ماقوم بالواجب واعرفه واجيبه
واللي علي معه حقراْ وبهتان = ليش التكبر وشو الي يجيبه
انا بصراااااحه ماتكبر على شان = تدرون ياهل الشك والريبه
اجازي المحسن على قدر الاحسان = وراع الإساءه ماهو كفو اشتقيبه
اشوف نفسي دايمً ابسط انسان = الكبر لله والي انا وأش ليبه
وصلو على من بعث بالحق قران = الحق قران والقران حق أونهتديبه[/poem]
[mark=0000FF]وسلامتكم جميع
محبكم في الله
محمد الجبريني [/mark]