[align=center]مدسم الاشناب[/align]
[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
يابروق الشعر في جو القصيـد المستهلـي=مااقبل التاخير في وقت الطلب والعلم شاره
جمليني ياالبيوت اللي كما النجـم المطلـي=اقلطي ياالمستذيره والبسي بشـت الامـاره
أذكري عبدالله ابن غراب هاتي واستد لـي=في جناب مدسم الاشناب فـي ديـوان داره
بيض الله وجه راع الطيب تحفظ بالسجلـي=اعلنيهـا يالصحافـه دونيهـا ياحـضـاره
التحيه والسـلام وطلـع ورد وريـح فلّـي=من ولد قبلان غنا والقديحـه مـن شـراره
مالقينا غيـر تقديـر الحجـاج المسفهلـي=يالكريم بكـل ماتعنيـه مضمـون العبـاره
يوم ولد اللاش ماضوى من الهقوات ملـي=نقْز المحـزم وصـلا ركعتيـن الاستخـاره
مابخلتـو يـآل مـره والمهلـي مايولـي=مايمد الوافيه للضيـف حسـاب الخسـاره
مانظمت ولاطرقت القاف من بـاب التسلـي=فرحتي بمقابل ابن غراب وآسوق البشـاره
يستحق المدح من لا شح في الوقت المولّي=والله اني لمدح اهل الطيب تاره عقب تـاره
النوادر من قصيـدي سقتهـا تقديـر للـي=شجع الشعار وأعطـى كـل رجـالٍ وقـاره
والقصايد لا مدحت ارجـال مـره صفقنلـي=ثم زان القول في ساس الطناخـه والنعـاره
ويش اقول ويش نذكر وش نجيب وش نخلي=وقبست البارود مصدرها قديحه من شـراره [/poem]