هذه مصافحتي الاولى لكم
ارجو ان تنال بعض استحسانكم
[poem=font="Simplified Arabic,5,black,bold,italic" bkcolor="transparent" bkimage="backgrounds/7.gif" border="solid,4,gray" type=0 line=0 align=center use=ex num="0,black"]
هاضني بارق سحاب من المنشا دقل=هل دمعه فوق خد الثرى لين اشرقه
سيَل الصمان والقاع موسوم قبل= والثرى لحق الثرى فالفياض المورقه
قلت انا يامحزمي تو ماالخير استهل=قال سم وتم قدام والموتر سقه
فوق جيب يقطع العرق مايطلب دبل=باترول نيسان عن كل موتر تفرقه
نايف بين المواتر تقول انه فحل=وسط ذود وسمه المغزل اللي مطرقه
لاوسم به ناقة مايروح لها نسل=في نهار يتعب الرجل ويصب عرقه
ولانقرت السلف له دنة مثل الهلل=كنها دنة جنيه بصندوق صدقه
وشايلين العزبه اللي طلبها مكتمل=عزبة للكيف ماشيل فيها ملعقه
وسطها بن وهيل ومعاميل دبل=وسمن وبر وتمر بوسط المطبقه
وقدر يشيل الطلي مايشال الا شقل= وسَمت فيه الاثافي ليا مال شنقه
وعن يميني واحد خوته مثل العسل=سعد من هو صاحب له ومن هو رافقه
ماجد اللي لاتسندت يسندني جبل=لا ارتكى للحمل شاله ولا اتعب عاتقه
لاسرينا بليلة طال مسراها يدل=مامعه قارمن ولابه خريطه وورقه
كل فعله طيب والطيب دايم له فعل= وكل قوله فالمواجيب فعله يسبقه
صامل الهرجه وله هيبة معها ثقل=يعجبك مع طيب فعله جزالة منطقه
ومن يناظر بذله المال بيقول انهبل= كن ماله وقف بر موصى ينفقه
نسل شيخ صدق وابالعلا مضرب مثل =فالشجاعه شهد سيفه وتشهد بندقه
اخو جوزا لاتعزوا بها ساق الجمل= عطفة من دونها القرم تعثر سابقه
فوق صفرا لاتنصَا بها جمع يقل= عن نحرها كل جمع نصاه يفرَقه
سرت انا ويا خويي وممشانا مهل= في عزاز دكه السيل ثم شق طرقه
ثم وصلنا ديرة عشبها غطى الرمل= زاف فيها العشب والنبت من كل ورقه
لين رجلك ماتحصل لماطاها محل=وسط قفر راج به سيل نو واغرقه
فيضة فيها الخزامى وخالطها النفل=كنها زل بمجلس امير المنطقه
وسطها شبيت ضوي وناري تشتعل=في هشيم يبسه شمس صيف محرقه
ثم ضبطنا دلة كيفها يبري العلل=دلة لمدور قرة الراس شفقه [/poem]
رد مع اقتباس
[/url]
