فمان الله ياجرحٍ تربّــع في حــشى مــجروح
.................... و بدّد كل ضحكاته و لا فكر يواسيني
فمانه روحٍ تحبك وحبك كامنٍ ف الروح
....................فمانه قلبك الجافي وعشقٍ في شراييني
ابرحل واترك دموعي تنثّر دمعها المسـفوح
..................... و احاول قد ما أقدر أحطك دمعه بعيني
ابــقدر انــثرك دمعه .. وبقدر انثرك من بوح
.................... وكيفي ابعدك يابنت .. شوري مني وفيني
إذا في حكمك الجاير حكمتي إن الجفا مسموح
....................أنا في شرعي أرده ولا ارابي على ديني
وإذا انتي تالي ايامك نسيتيني بلا مصلوح
....................فانا عيبٍ علي أنسى وفاي وماضي سنيني
ترى الدنيا لقاء وافراق .. وايامي تجي وتروح
....................و لا به من يرد العين عن فرقا تبكيني
مادام اني بكيت الشوق ما اشوف الجفا بوضوح
....................ودامي ما أشوفه زين باقفل ع الجفا عيني
نذرت أبدل أحزاني و أخليها لعب ومزوح
....................و لا أفكر و لا اتذكر جفا بنتٍ تجافيني
و أخليـها تمناني وتــبكيني وفاء وتنـوح
....................واجافيها وأبكيها واقطع قلبها فيني
وأرد أضحك على الفرقا واخلي لي بها مصلوح
....................أرد بصاعها صاعين وأوفي بالجفا ديني