لـيلة شـتا

[عبيد السراد]

مصافحة أولى .. أتمنى أن ترتقي لذائقتكم

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


جات السعادة رغم كل الغرابيـل = عقب البطى جات السعاده عشاني
ماخلّت الفرحه لهمـي مداخيـل = والشعر عيـا لايفـارق لسانـي
ليلة شتا ..كانت حديث القناديـل = سامرتها حب وقصيـد وأغانـي
ليلة شتا.. كانت وفا للمراسيـل = فيها تبادلنـا الفـرح والتهانـي
ليلة شتا ..كانت دفا للمواصيـل = ما تشبه إلا لونهـا الأرجوانـي
فيها تناقشنـا بـأدق التفاصيـل = مرت ثواني.. بس ياهي ثوانـي
تجرد الواقع من القـال والقيـل = واستنفرت كل القوى في زمانـي
الضحك لذة.. والسوالف مواويل = حتى انسكاب الدمع له شكل ثاني
والشعر مجلس والمعاني رجاجيل = والوصل شوقي والمداخل كيانـي
ليلة شتا.. فيها لشوقـي مداهيـل = كم ضمني فيها الوله واحتوانـي
شميت فيها ريحة العود والهيـل = وأسقيتها حتى ارتوت من حناني
واشعلت شمعات الأمل تالي الليل = وارسلت فكري من مكان لمكاني
واسرجت كل الود لمعانق الخيل = باخذ بها سجات والعمـر فانـي
ليلة وفا.. كانت حديث وتعاليـل = سامرتها " فكرة " و" حلم" و"أماني

[/poem]

[عبدالكريم بن خزيّم]

الجزل / عبيد السراد

أولا ً أهلا ً وسهلا ً بك بين إخوتك وأخواتك

في منتدى الجميع غرابيل

وصح لسانك

على النص الفاخر

أبدعت يالغالي

نتطلّع لجديدك دائما ً

تقديري ,,,,,,

[مفرح بن مناحي]

صح لسانك يا عبيد

قصيدة سلسلة وأبيات رائعة

لله درّك

وبانتظار جديدك

[خالد الجعيدان السبيعي]

مراحب بك بين اخوانك

مصافحة رائعة وجزلة من شاعر جزل

ما اروعك هنا >>> الشعر مجلس والمعاني رجاجيل <<< قمة في الجمال هذا التصوير فلله درك

دمت بابداع وبانتظار جديدك

[ليــن القســا]

مرحبا بك أخي
ومرحبا بهذا الفيض العذب ..سلمت ودمت للرائع تنثره بمداد التمكن ..

[أبوعبدالرحمن]

ياهلا ومية غلا


ومنور غرابيل بوجود شخصك وقلمك


مصافحة اولى ستجبرنا على انتظار جديدك


صح قلبك وكلك


وسلمت اناملك

تحيتي لك

[عبدالعزيز الجفان]

صح لسانك أخوي عبيد..

مصافحة جميله وراقية..

موفق بإذن الله تعالى..

عبدالعزيز الجفان

[مهدي اليامي]

مصافحة أولى متـقنة وذات تمكن ملحوظ

صح لسانك ولاهنت يالسنافي

تحياتي واحتراماتي

[محمد الروقي]

صح لساانك الى رضاك

تقبل تقديري

[محمد بن ضاوي]

عبيد السراد ...


قصيده قيمه جدا


وشعر راقي كثير

الف صح لسانك ولاهنت وبانتظار القادم

[عبيد السراد]

الجزل / عبيد السراد

أولا ً أهلا ً وسهلا ً بك بين إخوتك وأخواتك

في منتدى الجميع غرابيل

وصح لسانك

على النص الفاخر

أبدعت يالغالي

نتطلّع لجديدك دائما ً

تقديري ,,,,,,

القدير عبدالكريم بن خزيّم
الله يبقيك ويطوّل في عمرك
وصح بدنك يالقرم
شرّفتني وشرّفت متصفّحي يالذرب
فـ لك التحية والشكر أينما وطأت قدمااااااااااك

[عبيد السراد]

صح لسانك يا عبيد

قصيدة سلسلة وأبيات رائعة

لله درّك

وبانتظار جديدك

صح بدنك أخوي مفرح
الروعة حضورك وتشريفك لي وللنص
لا هنت يابعد وتقبّل الود والتحية

[عبيد السراد]

مراحب بك بين اخوانك

مصافحة رائعة وجزلة من شاعر جزل

ما اروعك هنا >>> الشعر مجلس والمعاني رجاجيل <<< قمة في الجمال هذا التصوير فلله درك

دمت بابداع وبانتظار جديدك

حي الله خالد السبيعي
بيّض الله وجهك على هـ المرور الطيّب
وما عليك زود يالقرم فـ الروعة لم تكن لولا تشريفك لأخوك
تحياتي لك والقادم أجمل

[حلا الطفوله]

صح السانك يا الخو ابيات قمه في الروعه
انتظر منك كل جديد تقبل مروري

[نـواف الشمــري]

عبيد السراد



صح الله لسانك ولا هنت


قصيده بقمه الروعه والجمال


تقبل مروري المتواضع


لكي التقدير والاحترام


فمان الكريم