للاسف بدا برنامج ستار اكاديمي وبدات المهازل والسخافات وقلة الحيا من جديد...
بس انا حبيت اوضح نقطه هامه للمتاثرين من هذا البرنامج واللي للاسف البعض منهم يصوت لبعض المشاركين لبرنامج وبالذات المشاركين واللي للاسف انهم سعوديين...واحد منهم متاثرباحد فنانيين جمايكا واسبانيا ولا مربي كلاب اعزكم الله عنده هل هذي عاداتنا ؟؟؟
ياشباب ويابنات صدقوني والله ماراح تستفيدون شي من التصويت وللمعلوميه هم يركزون على شباب الخليج وبالذات السعوديه لان مكسب البرنامج المادي من التصويت ياتي من دول الخليج
وهم يحاولون انهم يخلون السعوديين يجلسون بالبرنامج اطول فتره ممكنه وراح تشوفون
ولاتحسبون ان السعوديين راح يجلسون بسبب التصويت وانما حركه من نفس البرنامج يتعمدون فيها تاخيرهم قدر الامكان... من اجل كثرة عمليات التصويت
وغير عملية التصويت الكل يعرف ماهو الستار اكاديمي والفضائح اللي تصير فيه
واعتقد ان الكل شافها لانها منتشره في كل المنتديات
هل تعلمون قيمة الرساله الواحده (5) ريالات...
وخلونا نكون صريحين بالله عليكم اذا فاز السعودي مثلا او تاهل الى المراحل النهائيه وش راح تستفيد انت يامن صوت او صوتي له..ماراح يعرفك ولايسويلك شي ولا راح تكسبين اي حاجه غير الذنوب والمعاصي واتحدى من يثبت عكس ذلك... واتمنى مايطلع واحد ويقول انه اذا فاز يرفع اسمنا واسم السعوديه فوق... ماراح يسدد فاتورةجوالك او يعطيك فلوس قيمة التصويت
لكن تخيلوا لو ان قيمة الرساله تبرعت فيها لاحد الفقراء والمساكين...مو احسن من التصويت ؟
على الاقل التبرع فيه اجر عند الله عز وجل وفيه نفع لاخيك المسلم... واحسن من تبذير الفلوس على الفاضي
انا ادري انه فيه ناس راح تخالفني الراي لكن هذي الحقيقه وحبيت اقولها واختلاف الراي لايفسد للود قضيه
تحيتي لكم / رنوووووده