السلام عليكم ورحمه الله وبركاته
مسائكم ورد
مبارك عليكم الشهر ..
وكل عام وانتم بالف صحه وخير ومسرات يارب
هذا اول شي
ثاني شي
بصراحه انا قريت قصه زواج مضحكه وتسدحت على بطني من الضحك
للدرجه ان واحد من اخواني دخل علي وقعد يطالع فيني وحب يده ظهر وقفى وطلع
هي صح انها مقرفه
بس مع ذالك تضحك
يقال انها حقيقه والله اعلم
وانا عن نفسي تراني صدقتها
المهم اني حبيت انقلها لكم على لساني لان الظاهر كاتب الموضوع عنده تضارب في اللهجات
مره شرقاوي ومره جداوي ... ماينعرف له صراحه
المووووووووووووهم
<< تربع
يقولكم فيه بنت عندها خوات اكبر منها واصغر منها وهي توها متخرجه من الثانوي
المهم بالبيت ماعندهم شغاله وكل يوم الدور على وحده من البنات .. تطبخ وبعدين تطلع الزباله عند الباب ... الله يعزكم
يوم من الايام جاء دور هالبنت الرفله اللي توها متخرجه من الثانوي.. كانت سهرانه مع خواتها الين الساعه 2 الصبح .. وبعدها خواتها طلعوا فووق ينامون وسحبوا عليها
وهي بما ان عليها الدور اليوم.. لازم تنظف المطبخ وتطلع الزباله مثل ماتفقوا
المهم نظفت المطبخ الرفله وراحت تطلع الزباله عند الباب
قالت البنت في نفسها من زود السناعه.. انا ليش احط الزباله عند الباب ؟؟ .. ليش ماتشجع وارميها في الزباله احسن..!!
وطلعت برى بالشارع وكان الشارع فاااااضي
المهم يوم جت ترمي الزباله
قفل باب بيتهم وهي بالشارع ..!!!!!!!!
وتوهقت
المووووووووووووهم
جلست في الشارع محتاره
ودها ترن الجرس ... بس خافت ان ابوها الشديد اللي ماعنده تفاهم يصحى من النوم ويشوف بنته لابسه قميص نوم و واقفه عند الباب ..!!!!
وخافت انه يفكر تفكير شايب مخرف جرى عليه الزمان وبعدين تروح غلطه
المهم
فجاءه سمعت صووووووووووت سياره جايه
ابتلشت الرفله
ماتدري وش تسوي
وكل ماله والسياره تقرب
مادرت عن نفسها الا وهي داخل برميل الزباله ..!!!!!!!!!!!!!!!!!!!!!!!!!!!
الاخت مسكت الزباله وقلبتها ودخلت داخلها
المهم
كان اللي جاي ولد الجيران المقرود
توه جاي من الاستراحه
وقف السياره ولد الجيران ونزل وطلع المفتاح بيفتح باب بيتهم علشان يدخل .. الا ويسمع صووووت شي يتحرك في الزباله .. مع العلم انه استغرب ان الزباله مقلوبه ......!!
المهم جاء بيرفع الزباله ويصلحها ويتاكد من الصوت .. مادرا الا البنت قدامه ..!!
الرفله صرخت في وجهه وقالت لاااااااااااااااااااااااا اااااااااااااااااااا
قال:- بسم الله الرحمن الرحيم
انتي انس ولا جن
قالت :- والله العظيم اني انس
قال :- انتي وش جابك هنا
قالت له القصه كامله وهي متغطيه بالزباله وقعدت ترجى ولد جارهم المقرود انه يساعدها
قال:- خلاص لاتخافين خلك في الزباله
قام قرب سيارته من باب البيت وركب فوق سيارته ونقز في البيت وفتح للبنت الباب
وقالها :- ادخلي بسرعه لااحد يشوفك
قامت المسكينه ما صدقت على الله رمت الزبالة وطلعت كذا قدام ولد جيرانهم المهم دخلت وقفلت الباب على طوول
والمقروود واقف ماتحرك يناظر فيها
المووووووووهم
مامر على السالفه يومين الا وجاء الولد وخطبها من ابوها وتزوجها
مو هذا اللي ضحكني
:icon_bigg
اللي ضحكني ان الولد الحين اذا جاء يتغزل في زوجته الرفله يقوول
(( الله يبارك في الزباله اللي جمعتني فيك ))
ههههههههههههههههههههههههه ههههه