بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعرين المبدعين : سعود عبد الله / القنّاص .. بدون ردود .
سعود عبد الله :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مثل البحور اللي تلاطم بالامواج=من هيض مدري غيض غنيت قافي
مافيه يالقناص داعي للازعاج=ترى الدعاوي كلبوها عوافي[/poem]
القناص :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابحر ما ينفعك موجك ليا هـاج=قدمك محيطاً ماه راكـد وصافـي
اشره على اللي فك بيبان الاحراج=لا ترمي التهمه على شخص وافي [/poem]
سعود عبد الله :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انته كسرت التاج يا لابس التـاج=وانا لبست البشت و البشت ضافي
اكمل شروط الحج فالحج ياحـاج=لا تستعي قـدام تبـدا الطوافـي [/poem]
القناص :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا ضبطت الفلم تحريـر وانتـاج=وانته على جمر الغضا سرت حافي
مايخطي المفتي ولا هو بمحتـاج=شهادة اللي داه فالصـدر خافـي [/poem]
سعود عبد الله :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي ضبطت الفلم ينقصك الاخراج=حطيت في سدّ السمـان العجافـي
ياهيه برجك طاح من بين الابراج=لابد ما تسفـي عليـه السوافـي [/poem]
القناص :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا مورّدها على عـدّ هـداج=والاّ انت طيب مار مرقدك دافي
الكبتن اللي فوقكم قاد ميـراج=ماراح حتى قالوا الناس كافـي [/poem]
سعود عبد الله :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عز الله إنك شاعر و فلّة حجـاج=لكنّ ضوّك يابيض الوجه طافـي
إلي مع اهل الطيب مقعد و منهاج=والا انت دايم في حلا النوم غافي [/poem]
القناص :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامرتكي للحمـل قـدّام الافـواج=لقيت حكيك مع عملـك متنافـي
واللي سعى فالجرح يلقى له علاج=يبرك لحق الناس كانـه سنافـي [/poem]
سعود عبد الله :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انـا برمحـي للمعاديـن خـجـاج=لا تدرق فـي سـد سـود الغدافـي
مالك على اهل الطيب مدخل ومخراج=خطاك مـا يرفـاه فالوقـت رافـي [/poem]
القناص :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نطعن على وضح النقا كل سهّاج=واللي يحوص عن الملازيم هافي
اللوم غاشيكم ومن حولك اسياج=ما يخرجك منها جنود المطافـي [/poem]
سعود عبد الله :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الخيل من ضرب القنا راحن امراج=هاذي مقابيـل ٍ و هـاذي مقافـي
انته رفيق و قلبك اسود من الصاج=مانته من اللي يقطعـون الفيافـي [/poem]
القناص :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشاوي اللي حط له عشرة نعاج=نزّال وعـر وللخطاطيـر جافـي
يشيل من سهم المكيرش فالادراج=ماشال من سابك وسهم المصافي [/poem]
سعود عبد الله :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احدن نبا نفرش له الارض ديباج=واحدن نبا نسقيه سـمٍّ زعافـي
ماني معدّل كل عودن ليا انعـاج=ما للعوج غير السيوف الرهافي [/poem]
القناص :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت المعنّى سد نفسـه ولا داج=بين العرب يشكي كثير الكفافـي
الفعل مابرهن عنه كـل هـرّاج=والسيف يوخذ من يمين الضعافي [/poem]
وللجميع أطيب التحايا .
رد مع اقتباس
