[poem=font="Arial,6,white,bold,normal" bkcolor="transparent" bkimage="backgrounds/26.gif" border="none,4,gray" type=1 line=1 align=center use=ex num="0,black"]
غنّ السهر في ثرى ليلك وغنى المكان = واستبشرت في حضورك كل نفس(ن) تبيك
دامك وصلت بسلامه راق جوي وزان=وبلهفتي جيت أصافح بالمحبه يديك
والله لو تدري أن البعد ذل وهوان= وان الأماكن تسولف بس تسأل عليك
كان ماغبت لحظة عن حبيب الزمان=يوم راحت حياته بالأمل يرتجيك
ان غبت غابت سوالف ليلنا والحنان =وإن جيت كل الليالي بالغلا تحتريك
كنت أهيم بخيالي من جنان لجنان=كنت تطري علي بكل ليلة وأجيك
يمكن الليل ألقى في سواده أمان =لاسهرته وكنت بحلم ليلي شريك
كنت تعطي بحسنك للحروف إتزان=ويزين حبك القصايد لانوت تبتديك
أنت بيت القصيد اللي زهابك وكان=كل حرف يتمايل دلعنه في يديك
ارفعي عن جبينك ليل شعرك عشان=تكتمل بالمعاني ثورة الشعر فيك
شوفي فرحة حضورك في زوايا المكان=جت تزف المشاعر يالغلا وأهتويك
عاشق(ن)ماتبع صف العذارى وخان=راس ماله غرامك لاذكر وجنتيك
حان ليل الأحبه ياغلا العمر حان=ضامي الوصل جالك ناوياً يرتويك[/poem]