مساء الخير
اهدء لاخي محمد الروقي واللذي
قريت له قصيده غزليه فحبيت امازحه بهذه الابيات واللتي تحكي
قصه فعلا ً صارت معي اليوم جبت كروت دعوه لبنت كنت متفق مع
اخوها انه يزوجني اياها وطلب مني اجيب له ظرف على طريقي
وانا جاي من شخص بيقابلني اكتشفت انها بطاقات دعوه زواج البنت
بالله اش موقفكم لو حصل هذا معكم ومن شخص عزيز
القصــيده
[poem=font="Simplified Arabic,5,red,bold,italic" bkcolor="black" bkimage="" border="outset,10,firebrick" type=1 line=0 align=center use=ex num="0,black"]
ان كان ابن ذاكر عيونه شقيه = انا ترى قلبي من الشوق مجروح
وان كان يذكر له سنين ٍ خليه = هو مرتكي وانا اكتب القاف وانوح
اصغير سن وبين الشيب فيه = شيء مقدرلي ومكتوب في اللوح
جددت قصة قيس والعامريه = في شي مالي فيه رغبه ومصلوح
الحب مثل الورده اللي رويه = عاشت على جال النهر والنهر روح
تشرب غلى صبح ٍ وظهر وعشيه = وبالليل ريحتها مع النسمه اتفوح
حركت جرحي يامحمد عليه = وانا اكتم الاسرار ماودي ابوح
مافيه ساعه في حياتي هنيه = وغيري قضى عمره بلذات وفروح
ان جيت ابا اضحك باين الحزن فيه = وان جيت ابا انسى ذكره كل مملوح
محتار كني بين حسنه وسيه = سر ٍ دفنته صار بين ومفـظـوح
بالغدر اشيل اكروتها في يديه = يوم ٍ عطاني ظرف والظرف مفتوح
جبت الكروت اللي عليها وصيه = وانا بسهم الغدر ضايع ومذبوح
مال الفرح يمي توجه ونيه = عايش مابين الناس جسم ٍ بلا روح
كنت احسب ان احصون قلبي قويه = والحصن اله جسر من الغدر مطروح
حتى قريت اللي تشيله يديه = وانهار ذاك الحصن وانهارت اصروح
اقسم قسم باللي يحفظ البريه = مانرخي الهامه ولانرخص الروح
ولاتذل بعد اليوم قلبي بنيه = ولايهز قلبي كل من قيل مملوح
حركت جرحي يامحمد عليه = مسموح والله يابيض الوجه مسموح[/poem]