[color=]السلام عليكم ..
اقدم لكم حوار بسيط اتمنى ينال من اعجابكم
بسم الله :
- ورده على ظهر الورق .. وكرت اعتذار .. وحب مع الايام يتجدد .. والزعل بيني وبينك مرفوع !!
* الزعل بيني وبينك مرفوع ؟ ماتبيني ازعل على الغلط ؟ واذا تكرر . اتذكر ان مابيننا زعل ؟
- لا ياحياتي يحق لك ويحق لك بس قلبي ضعيف عند الزعل . افضل العتاب ولا تحبين العقاب ؟
* لا والله هي اساليب وما اتبعها . بس اذكرك اني احبك وما ودي اشوف الغلط منك ؟؟
- ازعلي وعاتبي بس ارجوك تسامحي . وترا الخوي دايم يسامح خويه ..
* احلام وتعبت .. بكره مع الوقت يمكن انتهت ..
- دلوعتي . مو كل احلامك كبيره ولا كل اهدافك مستحيله .. بس انا حلمي معك واسجد شكر لله لانك كل اهدافي .
* ودي في يوم نجتمع والوقت يركض يناديك .. تعبت اتنفس الهوا لحالي بس بخاطرني تشاركني فيه ..
- الوقت ياحياتي مايرحم احد . تحسبين اني ناسي ؟؟ لا حشا مانسيت . اذا كل لحظه من حياتي هي وجودك كيف اسمح للنسيان ينساك ؟
* ارجوك لاتخليني انصدم ... منك وفيك لقيت اللي كنت احلمه .. اللي حلفت اني اتبعه .. اللي رفضت اني استصعبه .. اللي وعدت اني جنب قبري ادفنه !!
- كل شي بدنيتي مرخصه عندك مدري ايش اللي يليق بغلاك .. قلبي وانتي تملكينه .. حبي اسيرك واهتمامي مشغول فيك .. بس كل هذا فيك قليل ..
* كل اللي ابيه حب صادق وكلمة حلوه . الدنيا حطكت قانون المستحيل !!
- لا تخليني اعاتب .. ناسيه اني معاك ؟ اسئله والظروف تجاوب . والاقدار اللي معك دايم تهون
* لا تخلي اللي بيني وبينك ظروف بعدها تفرض القلوب رايها . واخاف يحصل اللي مانبيه .. ودنيتي يغطيها الموت قبل موعد دفنها ..
- يا حبيبتي لا تنسي اتفاقنا .. تذكري اني معاك في صلاتك في دعائك في شربك ومنامك .. انا معاك .. بس حسي بوجودي تلقي اني كل هواك ..
* بس الخوف من الاقدار . محد يقدر يوقف بوجهها .. اخاف تعطي حكمها الجبار .. ويحصل في يوم ونفترق
ماعدتا احتمل .. كلمه واقولها لك عن بعدك ما اقدر .. والغرور اللي معذبنا كبرياء ولازم يزول ..
- ضدك انا بس معاك .. اسمعي نصيحة قلب عيا يبيع هواك .. ومستعد يبيع كل غالي الا الغلا اللي منك مايبيعه
تذكري دوم وعلى الدوم مثلك انتي مالقيت ومالقيت وانا في كل الاوقات لمك .. واقرب من القريب بتنفس هواك .. ونكتم انفاسنا واضمك .. ولا تمر لحظه دون ما اشاركك هواك ..
* لو كان بيني وبينك هوا نتقاسمه ونعيش اترك لك كل هواي واغيب عن دنياي .. بس ماعيش في يوم حزني ..
- الهوا اللي ياخذك مني ما ابيه اما نتقاسمه واما نغيب في درب واحد .. بس اذكرك واذكر اللي حولك
انا وياك قلب واحد .. اذا دقاته رفضتنا كلنا نحتضر لحظه الموت !!![/color]