حسافة كيف تقسى ..
حسافة كيف القى حبي لك يهون ..
حسافة إني أفهم إن هوانا ..
متعة ثواني ..و لحظة جنون ..
حسافة كذا تنسي ..
و اشوف شوقي يلهف لحظات أمسي ..
و ادور على ماضي ما ظن يبقى ..
ولا ظن بعد طول الفرقة يرسي ..
تناغي اشواقي مثل الطفل ..
على موجة بحر .. يلعب و يلعب ..
مثلك لما لعبت ..
و تاليها تعبت ..
و اسدلت العيون ..
و انا يللي حسبت انك ملاك ..
ما انت بشر ..
لقيت فيك كل انشغالي ..
و مضمون الوله ..
فيك يجذبني الفتون ..
و ادخل بعالم خيالي ..
لا له اول و لا تالي ..
و اعيش فوق السحاب ..
و لين ارعدتِ .. و امطرتِ ..
خفت لا توديكِ الظنون ..
تذكرني حبيبي ..
انا يللي عطيتك صافي الإخلاص ..
و الله ما هقيت اني اهون ..
كيف تنسى بسمة هوايا ..
كيف تنسى إني عاشق نظرتك ..
بسمتك .. و ريحة مزاحك و همس الجفون ..
توني اعرف ان الهوى يشترونه ..
توني اعرف ان العشق جسم بلا روح..
لحظة ما تمله .. تفكر بسرعة تخون ..