[poem=font="Times New Roman,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
بعدك لزمت الصمـت وآثـرت السكـوت=خسـارتـي بـعـدك خـسـاره فـادحـه
والله ما نسـى ليـن عـودك ليـن أمـوت=صورتـك تبقـى فـي خيالـي واضـحـه
الله كسـاك الزيـن واعـطـاك الثـبـوت=بالعـقـل والثـقـل الحقيـقـي رابـحـه
انتـي علـى قـول المثـل بنـت البنـوت=وانـا علـى مـا قيـل كـبـدي ناجـحـه
جـوف التـرف والعـز وكبـار البيـوت=بالـقـدر والتقـديـر جـايـه رايـحــه
المـال يـذهـب والكـدالـك والـفـروت=والـحـب يبـقـى والمحـبـه فاضـحـه
لـو تضحـك عيـون المنافـق والشمـوت=نفسـي مـن الترفـات بعـدك سامـحـه
تجذبنـي لوصلـك خـيـوط العنكـبـوت=وأقـرا علـى روح الـفـراق الفاتـحـه
عنـدي لقـاك ولا كنـوز البنـك نــوت=ضحيـت لجـلـك بالعـيـون الذابـحـه
آمـال عمـري تحـت رجلينـك تـمـوت=وريحـة عطـورك فـي ثيابـي فايـحـه
تجـيـن تلبـسـك المهـابـه والبـشـوت=وتقفـيـن وقـيـود الميـانـه طـايـحـه
أشيـاء خياليـه عـلـى بـالـي تـفـوت=أذكـر ومعـك أنسـى عشـاى البـارحـه
وجدي علـى لقيـاك يالتـرف الصمـوت=وصلـك قليـل ونـار شـوقـي قـادحـه
مـا تقنـع العاشـق موازيـن البـخـوت=واثـق واعـرف الضاويـه والسـارحـه
صبرت صبر عقـاب بعـد غيـاب نـوت=وناحـت معـي ورقـا الحمـام النايـحـه
يصبـر علـى الـزلات حمـال التخـوت=مـا ينتهـز كـل الـظـروف السانـحـه
الـحـب يجمعـنـا وتفرقـنـا الـوقـوت=مـا شفـت لوجـيـه الجفـيـا لايـحـه
غيبي ولا ارضى عن حضورك بألف صوت=وعـودي ونفسـي فـي غرامـك سابحـه [/poem]
[align=center]راشد الرياحي [/align]