بسم الله الرحمن الرحيم
يااي هذا اول موضوع لي فالمنتدى واحس برهبه :krkrkr:
اوكي انا الي خلاني اسجل فالمنتدى هو اني مره اخذت لفه عليه الا وشوف موضوع لوحده خلاني احسم الامر وسجل معني ما قمت ادخل منتديات
والحين ادمنت هالمنتدى

اوكي واليوم قررت اكتبه
عاد لين امتى وانا ااجل

هو الموضوع الي قريته ...كان عن عضوه معانا في هالمنتدى ....و كانت هالبنت مرتاحه بحياتها ولكن بعد ما تزوجت اكتشفت ان خدعوها بولدهم وانه طلع مب صاحي وتحطمت البنت ... وتطلقت
وبعده قريت موضوعين مشابه لها فالمنتدى


*******************

بس انا موضوعي ملئ بالتفاؤل
ويلا اخشخشكم الموضوع دغري

******************

كان يا مكان >> مدري متى ببطل هالاسلوب شكلي تاثرت بكتاب الف ليله وليله :p
لما كنا صغار فالابتدائيه كنت انا وبنت جيرانا الي هي بطله موضوعي
عادي حالنا حال بقيه البنات .. نلعب ونستانس ..
وكانت كثيررر تغار مني
يا لطيف اش اقول واش اخلي اعوذ بالله ابصراحه كانت شريره وانا يحليلي كنت احب الونس والضحك وسامحها
صحيح راسي يابس ونقعد نتخاصم وممكن بالسنين
بس نيتي صافيه ما احقد واغار وخطط عليها

وانا على فكره متوسطه الجمال .. بس مع ذالك تغار مني ومن شخصيتي المنطلقه


المهم

صار ان البنت طلعت من الدراسه ولان كنا متخاصمات م قدرت استفسر عن السبب .. بس هم ما يهتمون بالدراسه لان حتى اختها الكبيره سوت مثلها
المهم
وبعدها انخطبت لولد جيرانا
والبنت كانت طايره من الفرحه لدرجه انا بعد سنين لما التقينا في عرس عادي سلمنا ع بعض وتصافينا ونسينا كل شي
المهم .. الا الولد قبل العرس بفتره بسيطه سوا حادث ومات .. الله يرحمه

المهم وابصراحه ما قدرت اروح اعزيها معن بيتهم جنب بيتنا
اولا لاني صغيره وقتها كان عمري 16 داخله ع 17
والبنات عندنا ما يزاورن ولا يعزون

وثانيا لان اصلا كنا بالاساس متقاطعات وستحيت وخفت اعزيها
ليقوم شيطانها يوسوس لها ( وبالفعل بعد سنين بعد ما درينا لبعض قلت لها اني كنت بعزيج و و و قالت اي كنت اخاف وسوس بالناس الي جاين يعزوني اشك انهم يتشفون فيني .. قلت عيل زين ما عزيتج لاني كنت خايفه من هالنقطه )
وثالثا كانوا قدام بيتهم سياير بالهبل .. يعني زحمه عندهم قلت لما تخف الزحمه بروح لها
لين ما فترت همتي ولا رحت
المهم بعدها بسنين ردينا ولتقينا على مقاعد الدراسه
والبنت تغيرت كثيررررررر
صارت طيبه ...اظاهر الحزن نضجها وعرفت ان الدنيا ما تسوى
وبعدين شافتني ان على كل الي كانت تسويه فيني الا ان قلبي ابيض عليها
والحمدلله بجد حبيتها
بجد لما كبرنا صرنا صدق صديقات
اما قبل كان الي جامعنا هو الهبل :D( والله والله انا عاقله بس من عرفتها وانا مخي افتر ..وخلاص لصق فيني هالطبع ...بس ما عليكم الوناسه شي وقت الجد شي ثاني انا )

المهم

وبعدها خلصت دراستي وردينا افترقنا لان هي شكلها نضجت كثير وكانت تحب تقعد مع الحريم

الا بعدها تزوجت واحد ثاني وحضرت عرسها
وابصراحه اول ما اقبل زوجها حسيت ان فيه شي غلط عيونه مب طبيعيه
***********
المهم عاد هذي صحبتي امممم ما بسبها
انا اخاف لكتاباتي تحسب على يوم القيامه فما بسب :eh_s(15):
زين هذي ما تعرفيني الا لما تصفع فيها الدنيا


فجاه تدق على وتتمسح فيني
المهم
اخر المكالمه طلعت انها تطلقت >> بنق صار فيني
كيف ليش

طلع زوجها الثاني بعد مسوي حادث من قبل وهالحادث اثر في راسه وصار بعدها فيه تخلف
وحتى اخواني لما سالتهم قالوا اي هذا كان مسوي حادث
قلت لها اني حسيت من عيونه انه مب طبيعي

قعدت اقول لها وكيف انتي ما لاحظتي عليه لق لق لق
قالت ان ما كان يكلمني كثير ولا يقابلني وسافر مع ابوه على اساس سفره علاجيه
قلت طيب وخوانج وين دورهم

المهم عاد هذا الي صار
لا وبعد ما تطلقت بالساهل
بس فالنهايه تطلقت منه لان ما تريد تقضي باقي حياتها معاه

*************
لكن هالمره كانت اقوى
صار عندها مناعه لان زوجها الاولى كانت تعشقه ولما مات تعبت نفسيتها كثيرررررر وزين طلعت من محنتها


عاد انا توقعت ان البنت هذي صعب انها تزوج زيجه ثالثه بسهوله
واذا تزوجت ممكن تاخذ واحد مب من الي القلب يحبه
يعني يا بتاخذ واحد متزوج ... شيبه ...


بس المفاجاه الحلوه الي صارت
ان بعد حول 3 سنين
تزوجت واحد شاااااااب لم يسبق له الزواج
ما شاء الله تبارك الرحمن

لا والبنت هذي محظوظه كل الي خذتهم وسيميــــــــــــــــــــ ـــن

معنها هي مب جميله
ولا حتى عاديه
وحتى صوتها فيه خشونه

( ملاحظه انا ذكرت هالامور لتوضيح فقط .. ترا له دور مهم لرفع روح التفاؤل فالبنات ان والله ممكن حظهم بيكون احسن... بما ان ممكن وحده تقرى قصتها وتكون احلى وبتالي هالشي ممكن يساعدها اكثر )


انا حبيت اذكر قصه صحبتي عشان ازرع فالبنات .. وبالذات للي انخدعوا بزوج فيه شي ناقص وتحطموا
لان شعور ان الوحده لما تكون انخدعت وانغشت شعور مؤلم

وبعد حبيت ارفع من روح التفاؤل للي حياتهم مقاربه لقصه حصبتي او انها تاخرت فالزواج او طلقت

اقول لهم مافي شي مب بإيد الله
واحسنوا الظن بالله
سامعين بالحديث القدسي : أنا عند ظن عبدي بي فليظن عبدي بي ما شاء

ان انتي وظنج ان كان ظنج بالله ايجابي عطاج الي تتمنينه لو بعد حين .. وان كنتي سلبيه ..كان بها

ليش الله مب قادر ان يحقق لنا امانينا!!!


تقربوا من الله اكثر ترى الراحه في قربنا من الله
حتى صحبتي هذي كثير صارت احسن وحسن بعد الابتلاءات الي صارت لها

وحتى اذكر مره دقيت لها قبل رمضان وكنت اقول لها زوريني و و و
كانت تقول انا رمضان افرغ نفسي فيه للعباده

وبس خلاص اتمنى اني وفقت في طرحي
وريحت قلوب ناس :hjy5jewf:

وهذي كفاره المجلس اخاف اغتبت صحبتي .. بس انا ذكرت كل شي فيها لجل الصوره توضح وكيف انها تغيرت ولما تغيرت الله عطاها ثمره صبرها

اي وترى اخر مره شفتها كانت قبل سنه وصار عندها ولد يجنن الله يحفظه
والحين معرف عنها شي
لان اصلا من قبل هي انتقلت هي واهلها لمنطقه ثانيه
وبعدين هذي لما تزوج
ترمي الدنيا وراها وتفرغ نفسها لحياتها الزوجيه

مصيري بشوفها في عرس اخوي بعد اسبوعين خخخخخخخخخ
باذن الله

دعاء كفارة المجلس

قال النبي صلى الله عليه وسلم:من جلس في مجلس فكثر فيه لغطه فقال قبل ان يقوم

(( سبحانك اللهم وبحمدك اشهد ان لا اله الا انت استغفرك واتوب اليك ))

الا غفر الله له ما كان في مجلسه ذلك