[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليه الزعل تدرين مقدر ازعلك = وليه الجفا تدرين مقدر اجافيك
خايف انا من زايد الدمع يقتلك = وشلون ابقوى يا حياتي ابكيك
أنا حبيبك دايم اللي يدللك = وأنا الذي لو ضامني الوقت مغليك
حبيبتي بين الغلا والجفا سلك = لا تقطعينه جعل ربي يخليك
ترفقي في خافقٍ ما يجاملك = يصدق معك وإن زعلك جاك يرضيك
اللي عطاك الود والحب لك ملك = في حب غيرك ما عطى شئ تمليك
من طبعي الإخلاص ,,, بالطبع اعاملك = يكفي حياتي ما احتمل زود تشكيك
أموت بغيابك واعيش بتواصلك = وقلبي سفينه امرحت في مراسيك
(( لَمْ تَأخُذْ الأشواقَ مِنْ خَافِقِي تِلْك ))= وإن قلت أنا ( تِلْكَ ) فأنا اقصد بها ( ذيك )
ولو ( ذيك ) تبغى تنزل اليوم منزلك = ما حصلّت غير الخلا والشبابيك
بين العذراى ما به أحدٍ يعادلك = أنتي المليكة والعذارى مماليك
ما فيه بنتٍ لو تحاول بتوصلك = إلا خيالك في منامي يساويك
وشلون ابقوى يا عيوني أبدلّك = وأنا خفوقي ضمتّه راحة يديك
حتى قصيدي لا كتبته يغازلك =لو قلت انا ما ابيك ,, يقول انا ابيك !!!
ما اعذبك يا عمري وما اصعبك ما اسهلك=وبالرغم من هذا أنا ميتٍ فيك
انتي عرفتي ليه مقدر أزعلك ؟! = لان اشوف الموت يوم إن جافيك[/poem]
رد مع اقتباس
