الوطن هو الذى يعيش فينا قبل ان نسكنه
الوطن قصه وجود وقصه حب لاتنتهى
اترككم مع هذه الرائعــــــــــــــــــه
ماوحشتك ياوطن قلّـي وحشتـك
......... قل علي السبعان هالجافي وحشني
قلي إنّي يوم أنا طفـل أفترشتـك
...............لين غطانـي جميلـك وأفترشنـي
وأغفر إن جاوبتنا بصدري نقشتك
.............ورني بك صخر في صدرك نقشني
قلّي إنّي عشت بك وأقول عشتـك
...........قلّي أرجع عيش بي وأقول عشني
قل دوشتك والله أنّي مـا دوشتـك
.............غير من قلبٍ يلبـي لـك دوشنـي
قل ربشتك والله إنّي لـو ربشتـك
............هرج ماحد فيك بهروجـه ربشنـي
وأشهد إنّي عشت ذيب ولا نهشتك
.............وانّ ذيب بداخل أضلوعك نهشنـي
ياوطن دمّي شماغك ويـن بشتـك
.............غن ّفي عيدك ترا صوتك نعشنـي
وكان صدرك ضاق بالشعر وبلشتك
.............والله إن الشوق لترابـك بلشنـي
ليتني ماحشت شي بـس حشتـك
........ولا حشت اللي احوش وقلت حشني
البلا أنّي أشعر ا نّـي ماوحشتـك
...........وأنت والله كل شيٍ بـك وحشنـي
قصيده للشاعر الرائع /علي السبعان {بفتح السين}