[align=center]مساءكم سكر :
كثيرة هي الاحداث التي تجبرك ان تكتب لها ... اعترف انني حاولت كثيرا تجنب الكتابة عن هذا الحدث والذي ماعاد ( حدثا ) اصبح تاااريخا يشار اليه بالدموع[/align] :
[poem=font="Simplified Arabic,5,black,normal,normal" bkcolor="transparent" bkimage="backgrounds/29.gif" border="double,4,gray" type=2 line=0 align=center use=ex num="0,black"]
انا ماني على كيفك تحبيني وتنسيني= ومتى ماضاقت ايامك ذكرتي ( رقم جوالي )
وقلتي يابعد عمري ناظر وش جرى فيني= وجبتي شي مايطري أبد مرة على بالي
أنا يابنت في عمري حزن وهموم تكفيني= كتبها خالق الدنيا ألهي ربي الوالي
عشقت وكانت جروحي من اسبابك عناويني= وكرهت الحب حتى اني عرفت ان الحزن غالي
انا ماأبي أطول الشمس لإن الشمس بيديني= ولا ابي تغرقين البحر لإنه أصبح ظلالي
أنا لي مطلب واحد مثل ماانتي تهميني= أبيك تسافرين اكثر وأنا اسافر على فالي
ولا ودي اذا منا تفارقنا تحبيني = ولايطري على بالك سؤال ( إشلونها أحوالي )
أحبك ليه أنا أحبك وأضيّع أجمل سنيني= وإنتي للأسف قلبك على طول الزمن سالي
كتبت من الدموع أقسى وداع وقلت ياعيني= تبي تبكين ؟؟ ابكي .. والبكاء مايعني إذلالي
مسافات وحزن وهموم أبكيها وتبكيني= وأجمّعها وتحرقني من الاول الى التالي
مادام ان الهوى رحلة كئيبة بينك وبيني= أنا أوعدك يتلاشى هواك إنتي بإهمالي
وأنا اوعدك ماأحلم ولا ازعل وترضيني= ولا أغني على لحن الحزن والهم موالي
ماعاد القلب يتحمل ولاتقوى شراييني= ولاعادت عيونك مثل ماهي ( آآآخر آآمالي )
نسيتك وإنتي آمانه لو إنك مانسيتيني= تناسي مغترب والله يهني قلبك الخالي[/poem]
رد مع اقتباس
