مسائكم ورد
متواضعه اتمنى ان ترتقي لذائقتكم
[poem=font="Simplified Arabic,6,blue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه دمعي على الخد همال=عيّت مناديل الورق لاتمشه
والهم يصفقبي من الجال للجال=اضحك وحزن الوقت بيّن مخشه
يالله ياللي تعلم الحال والحال=باقي على ماكان وقتي يحشه
انهض وجنحاني بها ريش واطوال=والحر يبقى بالمراقيب عشه
ياللي تغني كل يومن بموال=دور على غيري من الناس غشه
خاين وبايق للمواثيق محتال=جرحن جرحته كيف ينشال ينقشه
ياليت ماشفتك ولاصــرت تختال=بين الضلوع العــــوج والورد فرشه
غرسن غرسته وسط صدري ولازال=اما تزيل الغـــــرس والا ترشــــه
صبرت واثر الصبر مع مثلك اذلال=وحبك في وسط القلب حطمت عرشه
لاصار مالي قدر عندك ولا اجلال=بذبح غلاك وابنقله فوق نعشه
وابدفن بقايا ذكرياتي والامال=وقبر الهوا معروف مايجوز نبشه
رّوح وسولف قول قابلت رجال=غزر البحر لاهابوا الناس دشه
[/poem]
راشد ابن شهلان