[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,8,crimson" type=2 line=0 align=center use=sp num="0,black""]
ياراكب اللي لامشى يبهج أبهاج=أمصممه بالبيت الابيض خراجه
على الطلب ماصنع مثله ولاراج=مكينته احدث أنتاج الخواجه
من معهد البوينج وميغا وميراج=خذا شهاداته وحقق انتاجه
طراز جمس ويعجب القلب لاداج=منوة غريب الدار لبطا أخلاجه
يمشي من الخفجي مع الصبح لانباج=والعصر في جدة بداخل كراجه
دوك السلام وصله لابن دراج=الصاحب اللي دوم تضحك حجاجه
الطيب لاهل الطيب سنه ومنهاج=وسلطان عدابه وعدل مزاجه
قله ترى بالوقت دورات وأبراج=لايامنه لو كان يصفا هماجه
عليه بالثنتين والباقي أفراج=الدين وعلوم المراجل أسراجه
هاذا وجاه العلم من بين الادراج=ومن عاش بالدنيا لزومن يواجه
عبرت ماكنه ضميري وما لاج=ولا اني مطولها وتصبح سماجه
وختامها وعداد ماحج حجاج=صلو على المختار في كل حاجه
[/poem]