اخواني اعضا وشعراء هذا المنتدى الشامخ منتدى غرابيل
اطلعو الحق الله يطلعلكم نور يوم القيامه بدون مجامله وبدون الفزعه على الظلم
حصل بيني وبين اشاعرين سعد الحويماني ومحمد السليس
سو تفاهم على شطر من قصيدتي يقولون انه مكسور وانا اقول مافيه كسر
===============================================
وهذهالقصيده
رسالتك جتني جزء النـص مفقـود
ماوصلتهـا ذبـذبـات الموبـايـل
منها وصلني شطر بيت(ن)وموجود
موجود عندي فـي بريـد الرسايـل
مايقبـل الناقـص ولايقبـل الـزود
حرفيـن فيهـن للمحبـه دلايــل
فيهن ملامح لوعة سنينـي السـود
وقصة غرام(ن)به شقى الوقت مايل
يوم(ن)غيب الوقت ماهـو بمحمـود
مهما أفرحك فرحه بلحضـات زايـل
وأكبر دليل أن حبك يـزود ويـزود
رقم(ن)بعـدك دون شوفتـك حايـل
من بيننا حالـت مسافـات وحـدود
بعد(ن)غرامه منـك للقلـب طايـل
قلب(ن)حفظ حبك مواثيـق وعهـود
لوغبت يبقى لأصدق الحـب شايـل
حب(ن)يصونه بالوفاقلـب مسعـود
قلب(ن)يشوف الهـم منـك جمايـل
ماهو بلعبة كذب صالـح ومحمـود
ومكالمـت بزيـف سامـي ووايـل
اللي يحسبون الهوى سهود ومهـود
ماجربـوا حـب القلـوب العلايـل
عشاق جيل(ن)به وفاء الحب مجحود
ماله مـن العفـه رشيف(ن)وفايـل
ولاأنت حبك له وفاء صدقي شهـود
حب(ن)عفيف(ن)مالحقتـه رذايــل
أشوف بك لون السما غيـم وورود
والأرض من حولك زهور وخمايـل
وريح الخزامى يحمله ساري النـود
لهـب مـن يمـك عبيـر النفايـل
عسى الليال اللي مضت منك تعـود
وتجمع قلوب(ن)فرقتهـا الوسايـل
وأبوحلك حبي معك وأنـت موجـود
وأشـوف بعيونـك ردود الفعـايـل
ماهو رسالة نصهـا منـك مفقـود
والنصف الأخر حافظـه بالموبايـل
=============================
محمد السليس
أمس, 07:20 Pm رقم المشاركة : 31
محمد السليس
][§][شــــاعـر ][§][
الملف الشخصي
مستوى التقييم
رسالتك جتني جزء النـص مفقـود
ماوصلتهـا ذبـذبـات الموبـايل
لو قلت
رسالتك جزء من النص مفقود
ولاهنت وتقبل نقد اخوك بصدر رحب
دمت بخير
====================================
سعد الحويماني
نعم البيت الاول يحتاج الى اعادة نظر
انت قادر عليه بكل تاكيد
===============================
مسعود الرشيدي
محمد السليس يامرحبا من صدر رحب
والعرف مايعرض على العرافه المعنا بطن الشاعر
وكيف تبيني اقول؟ رسالتك جزء من النص مفقود
مايصير لنه ينكسر الشرط الله يبارك فيك ويخليك لغاليك
=========================================
مسعود الرشيدي
الاخ العزيز سعد الحويماني مشرف منتدى الشعر
ايذا البيت الاول يحتاج الى اعادة نظر عيد انظر فيه
الله يسلمك ولا سمعت كلام محمد السليس وقلت يحتاج الى
اعادة نظر على العموم يشرفني تواجدكم في صفحتي
وتقبلو منــــــــــــــي فأأأأأأأأيق الاحــــــــــــــــترام
===========================================
سعد الحويماني
اخوي مسعود
نحن لم نجتمع الا للادب فقط
لو قلت
رسالتك جتني بها جزء مفقود
اعتقد انها تكون افض
===========================================
مسعود الرشيدي
ياهلا ومسهلا بااخي سعد الحويماني
يسعدني والله ايذا الواحد نقد لن النقد منه نستفيد ونفيد
والانسان ماهو معصوم عن الغلط ولكن ياعزيز قارن الشطرين وشوف وين المكسور
سعد ؟رسالتك جتني بها جزء مفقود؟رسالتك جتني جزء النص مفقود= مسعود
وتقبلو منـــــــــــــــــــــــ ـــــــــــي فأأأأأأأأأأأأأأأأأأأأأأأأ أيق الاحـــــــــــــــــــــ ـــــــــــــــــترام