[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا اللي غرامك يعتبر عندي إنجاز = وبين الخلايق حزت كل اهتمامك
لو حاول العاذل بيكسبك ما فاز = غيري يحاول بس يلفت غرامــــك
الحب فرصة تنتظر قلب نهّــــاز = وأنا الحظيظ اللي رمتني سهامك
وأنا الوحيد اللي على خافقك حاز = أهديتني قلبك وفوقه وسامك
ما جاز لي شئٍ تقول أنت : ما جاز = كنّي أعيشك وأتنفس كلامك
ولو كان به في الحب تقدير ( ممتاز ) = حصدت أنا كل التفوق أمامك
وإحراز حبك ما يساويه إحراز = لانك فريد في نظرتك وانسجامك
يا اللي عيونك كلها ألغاز×ألغاز = الله رفع بين البرايا مقامك
صورة عيونك ما تبي أي برواز = يكفي عيونك ضحكتك وابتسامك
من وين ما ناظرت ألقى بك إعجاز = ما هي غريبة لو فرضت احترامك
وكان الدول يهمها ( النفط والغاز ) = لاشك همي بس أنا اسمع سلامك
متعصب لزينك ومغرم ومنحاز = وما همني من قال : ( ارفق علامك ) !!
أي والله أحبك بتفصيل وإيجاز = وأقسى ليال العمر ( لحظة خصامك)
تبي الصراحة ,, ضحكتك عندي إنجاز = وافرح إلا من حزت بعض اهتمامك[/poem]
رد مع اقتباس
المشاركة الأصلية كتبت بواسطة عشق ليل
