بسم الله والصلاه والسلام على رسول الله
قصيده متواضعه اتمنى ان تحوز على رضاكم
[poem=font="Simplified Arabic,5,blue,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black"]
جيتك وانا كلي وفا واروح من عندك جريح = ادخل على الله مايسويها من الناس اجودي
مافيه داعي للمعاند واسمع الراي الفليح = نصيحة (ن) عساك فيها تستنير وتهتدي
لاتستحل حدود حرمات العباد وتستبيح = ياخلف ميتي يابعد حيي لا والله يابعدي
انا ادري انه ماعلى الدنيا ضمير(ن) مستريح = حاولت امشيها معك واسايرك قدر جهدي
لكنها عند النتيجه مايصح الا الصحيح = دام اتفقت انته علي والوقت والحظ الردي
وان عودت صوب التحدي والله اني هب ريح = من النقطه اللي تنتهي فيها تحديك ابتدي
صحيح يمكن اعثر لكني لايمكن اطيح = من ورث جدي قوة عزومي وبالله سعدي
عزيز نفس ولا اترجى مدة الكف الشحيح = لو انها تمتد له يحرم علي لا اقطع يدي
الله خلقني هكذا واضح ومفهوم وصريح = وان وقفت ضدي ظروفي واثق وسدي مدي
لاتحسب انه ضعف يوم اسامح اخطاءك وابيح = لاتعتبرها خوف من فرقاك وافهم مقصدي
هذا كلامي يوم اجي ضايق وفي ظني تزيح = همي وضيقة خاطر(ن) تحدى هواجيسي حدي
أملت بالوجه الحسن فاجاني الوجه القبيح = وانا وعدتك بالتحدي هذا انا عند وعدي
صحيح انا صدري وسيع و أفق تفكيري فسيح = لكن ماهو في كل حالاتي بساطي احمدي
تشوف كيف ان الندامه تربك لسان الفصيح = عرفت كيف ان المتيم بالخطا مايقتدي
دام انت متعمد مسكت الجمر بيدك لاتصيح = لاتشتكي طعم الخصام المر وانت المعتدي [/poem]
وسلااااااااااااامتكم