المشاركة الأصلية كتبت بواسطة شاعر العثمانيات
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
التقينا محض صدفة وحسب إنّي صرت زاهد = واثري الكامن غرامه تحت سطحٍ من جليد
درةٍ من صنع ربي من رآها خرّ ساجد = لو هقيت اني بجنّة قلت حوريه أكيد
ويش ابوصف ويش اخلي كل وصفٍ غير وارد = في حروف الأبجديّه ينصف الزين الفريد
مهرةٍ من نسل يعرب ساقها للطير طارد = واثره المطرود منها لو يهاجر للبعيد
كنت ماشي في الحقيقه عابرٍ ما كنت قاصد = وعندما شفت النواعس صوبنّي بالوريد
ناظرتني بسّ نظره وسددت لي سهم واحد = كان كافي صيد قلبٍ عادته دايم يصيد
وقتها حسيت إنّي من شعوري صرت فاقد = تقل حلم وتقل علم .. شئ يغشاني جديد
وش حصل لي صرت مدري مثل من وقف يجاهد = شاف دمّه صار ينزف قال ذا الموت الأكيد
طاح متمدد ولاحدٍ قرّبه فالموت واجد = والمعارك مستمره ما بها إلا الحصيد
يوم فنّح نصف عينه شاف كلش صار هاجد= انتهت كل المعارك من قريبٍ أو بعيد
ظاميٍ جوعان وحده والجرح لازال شاهد = لو نجى منّه فموته بالظما ما من محيد
ويتذكّر مهرةٍ مرّته معها ماء بارد = مثل لمح البرق لاحت ثم ذابت كالجليد
قام يركض دون عقله وفي فؤاده مثل لاهد = كود يلقاها ويطفي لاهبٍ زاده وقيد
ما لقاها رغم جهده ولا لقى منهو يساعد = كل من ينشده عنها ما لقى علمٍ جديد
وصدفة بالدرب يمشي والأمل بالله وارد= يلمح رجال تخفوا لفهم ليلٍ شديد
شايلينٍ شئ اسود ما تحرّك تقل هامد = ناحرينٍ للمقابر لاضجيج ولا رجيد
وصرخ بأعلى جنونه كلكم بالقتل عامد = ويلكم من رب عالم ماتخافون الوعيد
اهربوا ثمٍ اخذها بالحضن رغم التباعد = بوسط قلبه قبر تسكن لينما البعث الأكيد
ومات قلبه من نحيبه واندفن معها كشاهد = ثم بعثوا للعداله يوم لا مال ووليد
وابتدت تشر عليهم واحدٍ من بعد واحد = كلهم بالجرم واحد ما بهم رجل رشيد
من ظلم أو ذل خلق الله بالإذلال قاصد = يلحقه ظلم الضحايا لو سكن قصرٍ مشيد
ومن يفرط في الأمانه دامه اعطاها لفاسد=عايشٍ ليلات حمرا بين ولدانٍ وغيد
ومن شرا بالعلم دنيا حلل التحريم عامد= لو عطاه الله مهله عن عقابه ما يحيد
ومن سرق قوت الجواعى شان يحيا العمر راغد= يوم بالتخمه يودع سمها يهري الحديد
لو تصدق لو تبرع مصدره معروف واكد= كل شي صار واضح لو يرقع ما يفيد
ذولا اعداء الحبيبه بين طمّاعٍ وحاقد= من وأدها يوم حيّه ولا رحم دمع الحفيد
طاغيٍ بالجاه جاهل يحسبنّه دوم خالد= ناسي إنّ الموت حوله ومبعدٍ يوم الحصيد
يالحبيبة لا تخافي لو زمانك ما يساعد = دام فيه الله أكبر ينبعث مجدٍ جديد [/poem]