[align=center]
[align=center]البارح كنت امام التلفزيون فاذا بي بصورة الطفله ابتهال على احدى القنوات الفضائيه
واليوم بعد صلاة الجمعه سالت احد الاخوه عن قصتها فاخبرني الحقيقه المؤلمه
فكتبت هذه الابيات وهاأنا اضعها بين ايديكم كما خرجت من القلب اتمنى ان تنال اعجابكم واعذروني على التقصير[/align]
[align=center]ابتهال[/align]
[poem=font="Simplified Arabic,4,black,bold,italic" bkcolor="transparent" bkimage="../backgrounds/15.gif" border="double,4,gray" type=1 line=1 align=center use=ex num="0,black"]
حلّت مصيبه خلّت الراس شايب=طاش الفكر والكبد همّي صلاها
ضاعت بنيّه يازمان العجايب= ياوين راحت منهو اللي خذاها
مادري هو اهمالٍ او الامن سايب=منهو وراها؟ وخلّ ياخذ جزاها
وش هالقضيه قولو ويش السبايب=وش بـ البراءه تختطف من صباها
قصه غريبه واغرب إمن الغرايب=قصه تهيّض كل قرمٍ قراها
حطّت بقلبي جذمةٍ من لهايب= وزادت همومٍ قد تعاظم بلاها
لاجل ابتهااال نشعل عظيم الحرايب=ماني لحالي كل شعبي معاها
هذا شعوري كيف من بـ النوايب= النار ماتحرق سوى من وطاها
يالله يالمطلوب مجل المصايب=يارحم على عبدك من ام ونماها
يالله ماصعب من فراق القرايب=كيف الضنا اللي كل ضلعٍ حواها
يارب.. ابوها من عنا البعد ذايب= وعينه على المفقود دايم بكاها
تايه.. من المجهول والغيب هايب=هايم... في هالدنيا يدوّر وراها
ودموع أمٍ فوق خدها سكايب= تتأمل الصوره وترجي لقاها
على الدريشه تحتري عود غايب=وكل زول تركض له تحسبه ضناها
بين الشنط ويالدمى واللعايب=تحضن عروستها وتحضن هواها
وتقول..( عودي .. توبه مابه طلايب)=(عودي وانا أوعدْك ابدلع مايضاهى)
شت العقل والصوت صابه عطايب= ماتنطق الا بابتهال ودعاها
فياربي المطلوب جزل الوهايب=ارحم قلوبٍ قد تزايد عناها
رد ابتهال واسعد قلوب الحبايب=رد ابتهال لحضن منهو رجاها[/poem]
[align=center]آميــــــن[/align][/align]