[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
هيه يا ام العيون السود يالغشمرية=وقفيلي دقايق لين اميل عقالي
ودي اشوف نفسي بالخدود الندية=وتجرا وجرب قوتي وحتمالي
لن خبري منول في عزومي قوية=بس اضنه تبدل عقبك اليوم حالي
الله انه بعدها لا يسلط عليه=يرتفع ما ارتفعلك عن شبيه الهلالي
اقضي العمر كله بين روحة وجية=ودعي انه يهب من الهبايب شمالي
لجل اعاين بعيني عود راك الركية=كل مايكسر الذاري على العودمالي
ون تمايل ضحكلك يالغصون الطرية=واهنيه وهذا مايباله سؤالي
والخطا صار بين والتعدي خطية=ونت مذنب ومخطي كيف تنهب حلالي
ون نصحك النصيح اتقول مقلع طمية=خيط الصدر طيب ياكريم السبالي
لا تبين الجروح الغامضات الخفية=للعدوالبعيد وللخبيث الموالي
خل عندك شهامة خل عندك حمية=في عشير(ن)صدى صوته يهز الجبالي
يوم ناداك ووما قال وقف شويه=بس ابحكر عقالي فيك يابن الحلالي[/poem]