[align=center]مساءكم سكر :
.
.
بالأمس اتصل بي أحد الرفاق ممن أتشرف بمعرفته ويشرفني أكثر متابعته لي . . وبعد التحية عاتبني على هذا الغياب
الطويل عن غرابيل . . ولم يعلم انه ( اي الغياب ) امتد ليشمل عالم الأنترنت كاملا . . أهديه واهديكم هذه القصيدة متمنيا
ان تشفع لي بعد هذا الغياب :
.
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
العالم اللي همها تقرأ الجديد من القصيد = ولا واحد ٍ منهم سأل عن ضيقتي وش حلها !!
يمر عيد الناس لكن مايمر القلب عيد = توقفت أعياد قلبي من سببها كلها !!
كل ماضوى ليل الحزن وأخذ يديني للبعيد = يم الدروب اللي جهلت الحب قبل أدلها !!
أمرها وأسأل مبانيها عن العمر الجديد = والشجرة اللي ظللت خلين وينه ظلها !!
والبير والبيت القديم اللي سقوفه من جريد = وشباكها يوم إنتلاقى . . ملني ماملها !!
اعاند الدمع وشعور اليأس والحزن الأكيد = واخاف اموت من الفرح بالدرب قبل أوصلّها !!
لاجيتها ماعاد قلبي صلب وعروقي حديد = يذوب قلبي والعروق أشواقها تحتلها !!
تأثيرها أقسى من ( وداع الموت ) في اهل الفقيد = وأشد قسوة من دموع الصد يوم أهلها !!
واصدق من البسمة الليا بانت على ( الطفل السعيد) = واطهر من ورود ٍ صدوق الغيث تو مابلها !!
اتذكر أني قبل أسافر قلت يا الحسن الفريد = لاتاخذك فيني الشكوك دقاقها أو جلها !!
( تنهدت ) والخد يسأل دمعها ( هل من مزيد ) = قالت عيوني لو يطول البعد ( أيش أعملّها ) !!
إن غاب صوتك وانتبهت أن الحزن أصبح رصيد = بالله قلي ضيقتي بالبعد كيف أفلها !!
سافرت وأشواقي لها من كثر مافيني تزيد = ونصيبها جاها وأنا في غربتي وأشتلها !!
راحت وأنا باقي على الذكرى ولا ادري وش تفيد = يمكن ٍ نصيب ٍ ساقها لغيري يكون أفضلّها !!
ابيك ياليل الحزن لاجيتها ساعي بريد = طمن خفوق الغالية بعد الفراق . . وقلها !!
(( لو عشت كل اللي بقى من عمري الضايع وحيد = حبيبتي تبقى وانا ابقى طول عمري خلها )) !![/poem][/align]