السلام عليكم ورحمة الله وبركاته
هذي محاوره صارت في مجلسنا بين شاعرين كبيرين من منطقتنا بالصباحيه وعجبتني وحبيت اني امتعكم كما استمتعت فيها , وهي بين الشاعرين ( ابو لغبيب ) و ( ابو جضم )
ابو لغبيب
سلام منّي واكشف الموضوع
............................ لن كان فيه علوم سريّه
يابو صنت هذي سنه واسبوع
.......................... وانته ولا هذي ولا ذيّه
ابو جضم
يا مرحبابك يا غريب النوع
..................... خابرك بين الشمس والفيه
لن كان نابت لك ثلاث اضلوع
.................... خلّك على خط النعيريه
ابو لغبيب
ضاعت فليساتك على المشروع
................... اللي خسرته فالصليبيه
اخذ النتيجه واحسب المجموع
.................. لا تنزوي مثل الحراميه
ابو جضم
الحمد لله ما لحقني جوع
................ جاتك من الاصحاب برقيه
ترى الزعل من بيننا ممنوع
................ انا سوات الداب يالحيه
ابو لغبيب
وش مذهبك يا بكر ابن زعزوع
.......................ياللي تجينا كل عصريه
الحبل ماهو بيننا مقطوع
.................... واخذ القرارات الاداريه
ابو جضم
انته منوّل تاكل الجربوع
........................ ليتك تعشّي كل طرقيه
الراس ما يصلح بليا سموع
...................... وركبتك ملويّه ومثنيّه
ابو لغبيب
انته منوّل تشرب القرطوع
....................... مثل الحبردي والحبرديه
واليوم مثل الجندي المصروع
....................... عقب جتك طلقات ناريه
ارجو انها اعجبتكم وترى الدعوى فكاهيه
تحياتي ,,,,
رد مع اقتباس
المشاركة الأصلية كتبت بواسطة حامل الرآية
