بسم الله الرحمن الرحيم
السلام عليكم ورحمة الله وبركاته
<< مستقعد لين الظهر علشان يكتب موضوع .. لا والكيبورد منكب عليه ببسي يعني أنواع المصع والمصيع << تعال رقع بس
أعزائي أحبابي خياني وخياتي أولاد وبنات رجال وحريم << أخلص علينا
يسعدني ويطيب لي ويبهج ناظري.. ويخليني أرقص أني أسجل معاكم
أنا داري انك خفتو من الموضوع .. بس وش ذنبي اني مجحود من كل الشعب والدليل اني صوري صارت حتى في قناة الس اي ايه و في الاف بي آي
وكلها من تقديمي على هالوظيفه الغبراء الي عية ماتجي .. ياشيخ احس اني امشي في الشارع الكل يعرفني
من كثر ماتوزعة صوري .. احس المصور الي في الحاره عايش على خشتي
ومن قوة ماصرت معروف الحين مطرود من البيت..ومالقيت الا هذا العنوان .. حتي بغيت اسوين عنون على ان فيه أكتتاب جديد خخخخخخخخ
<< أدري تحبون الدراهم
السيره الذاتيه :
ولد في جبل وعاش وترعرع بين الأغنام والسهول << نحذف المناظر الغناء لأن مافيه الا غبار << دورو لها حل
تلقيت تعليمي الروضوي (( الروضه يعني )) في نواكشوط والأبتدائيه بلبنان ولما جت المتوسطه قال ابوي والله ماعنا وعن باريس عااد كملت الثانوي في الرياض<< باين من يومك عاطل
والمؤهل التعليمي دبلوم << أخس
أنهيت تعليمي الثانوي ولازلت ومتأمل أكمل كليه << لاتتأمل واجد ..لاكن الأمل اللي أكبر شي ألقى وظيفه لاكن الله ماوفق قسم صرت أعرف الأستيدوات والمصورين أكثر من أبوي وأمي من كثرماأصور وأسوي ملف علشان هالوظيفه الغبرا << ينرحم قسم بالله
قسم صرت مطلوب في الأف بي آي وسي أن أيه أكثر من البيت << من كثر ماوزعة صوري
حتى بعض الأحيان أقابل أخوي في الشارع وكأني ماأعرفه وأعطيه نسخه من الملف كود يلقا لي وظيفه من هنا او هنا ..
الشهادات الحاصل عليها :
أول دبلوم << طيب لاتدف
جائزة نوبل للهجوله لمدة عامين على التوازي
جائزة الملك فيصل للدجه
جائزة أفضل حارس في الحي
في جائزه بس مسروقه
يمكن أشارك في جائزة الأوسكار لو صرت فاضي ماعندي شغل
الأهتمامات :
أبد مالي أي أهتمام ودي ألقى وظيفه وأشبك المدير وأستلم راتب وأنا نايموودي أشبك بنت التويجري علشان تسدد جوالي وتغار علي من هالشغالات اللي عذبو قلبي من غير سنع
شعاري في الحياه :
فلها وربك يحلها لين تحصل وظيفهأوعليك بدبات الغاز اللي عند جيرانكم وكل شي الا تسرق جوال خويك لأنه عيب ربي يحطك في النار ..
أخيراً :
نشكركم مقدماً على هذا المنتدى قسم حبيته ودي أمسكه لف ودوران ماأوقف
كلمه أخيره : ((مشكورين على ترحيبك ونصيحه لحد يعطيني وجه الا اللي يبي أمون عليه لأني بصرآحه سادح الميانه مع كافة الشعب ))
دمتم بكيس ورد ومعطر بجفنشي وش تبون بعد أكثر
سي يو أفري ون
رد مع اقتباس
