طلب ضروري ابغى طرقة عجينة البف ؟

[معلمه جغرافيا]

ابغى طرقة عجينة البف

وتكون مجربه ومضمونه القى وحده تفيدني

[وردة التوليب]

معلمة جغرافيا

ياهلا والله ومرحبا فيك بينا
أنا عجينتي دائماً
2 كأس دقيق + نصف سكر+ ملح+ 3 ملاعق زيت + ماء للعجن

لكن أبيك تعرفين أنها ماراح تكون متماسكة إلا بعد ماتخلينها تخمر
وبعدين أفرديها على دقيق مو زيت

وعندي حشوة جنان أذا تبغينها
<<<ماتنعطى وجه

ههههههههههههههههههههههههه ه

بصل أخضر مقطع صغير + جبن كرافت مبشور

ماراح تشبعين منها

وياليت أكون قدرت أفيدك

[ليالي الشوق]

تفضلي يالغلا الطرريقه بالصوور بس ترراها منقووله مو انا مسوويتها خخخخخخخخخخخ

مقادير العجينة..............................

4 / كاسات دقيق

فنجال شاهي زيت

ملعقتين نشا

بيضه وحده

ملح حسب الرغبه

ماء

تعجن العجينه حتى تكون متماسكة وماتكون رخوه او جامده الافضل انها تكون وسط

ثم تكور باليد وتغطى بنايلون وتترك لمدة لاتقل عن ساعه




في هذا الوقت جهزي الحشوه ومكوناتها...................



لحمة مفرومة / بصل / ملح / فلفل اسود / بقدونس مفروم / بيض مسلوق مقطع الى قطع صغيره



وطريقتها...........................

ضعي اللحمه المفرومة في قدر وتترك على النار حتى تشرب مائها ثم ضعي البصل والملح والفلفل وتترك حتى تنضج

بعد نضجها نضع البقدونس المفروم والبيض المسلوق


طبعا البف يحتاج سكين خاصة وهي العجله العريضه زي هذي...........






طريقة عمل البف..........................جا ء وقت الجد وراح اتكلم عامي على فصحى عشان اوصل المعلومة >>>>>>>>>> مصدقه نفسها


1/على سطح صلب رخام او خشب واكيد يكون نظيف رشي دقيق وهاتي وحده من العجينه وافرديها بالنشابه

وقلبيها على الجهتين حتى ماتلصق على السطح وفي كل مره رشي عليها دقيق من فوق وتحت وافرديها حتى تصلي للسمك المطلوب واهم شي ماتكون خفيفه كل ماكانت متينه كانت اطعم.



2/ طبعا عندي طريقة للمبتدئات تسهل عليهم طريقة اللف وهي انك تتركي مسافه بسيطه من طرف العجينه وتحطي بعدها الحشوة وتلفي الطرف عليها وبين كل حشوه واخرى اضغطي بيدك في الفراغات ثم قطعيها بالعجله طبعا بالصوره اسهل





لكن الى تقدر تعمل الطريقه المعتادة في اللف وهذي اكيد تعرفونها لأنكمم سنعات ماشاء الله عليكم وهي ان تضعي الحشوة في النصف الثاني من العجينه وتجيبي النصف الاخروتلفيه عليها واضغطي بيدك بين كل حشوه والثانيه ثم قطعيها بالعجله مربعات












طبعا نجي لوقت القلي تقلى في زيت غزير وتقلب على الجهتين وبسرعة حتى تنتفخ وتعرفي اذا استوت اذا كان لونها اشقر ثم توضع على ورق ماص لمص الزيت






وبالهنا والعافيه

تحيااااتي ....

[معلمه جغرافيا]

مشكورين كثير

اختي أميرة الورد واختي ليالي الشوق

إذا ضبطت بدعيلكم من قلبي برمضان

[وردة التوليب]

معلمة جغرافيا

يارب تضبط معك

<<<تبغى الدعوة
هههههههههههههههههههههههه

[همسة ود]

هذي بعد طريقة اخري سهله مرررررررررررررررررررررررر ررره
عجينة البف

المقادير:
- 2 كأس دقيق
- ملح
- بيضه
- 1/2 بيالة زيت
- ماء للعجن

الطريقة:
- يُخلط البيض والملح والزيت والدقيق ويفرك بالأصابع ثم يضاف إليه الماء حتى تصبح عجينه متماسكة.
- وتترك لمدة ساعة بعد ذلك تقسم إلى أربع أو خمس مجموعات وتترك نصف ساعة .
- بعد ذلك تفرد كل قطعه حتى تصبح رقيقه جداَ ثم تقطع وتحشى أما باللحم أو الجبن بحسب الرغبة مع مراعاة عدم تكثير الحشوه حتى لاتتفكك عند قليها .




والاسهل منها عجينة البف باستري الجاهزة مرة ممتازه

[روعــة]

الاخوات ماقصروا معاك

ويارب تعجبك طرقهم

وتدعين لهم

[معلمه جغرافيا]

أشكركم جميعاً

[أسرار العيون]

معلمة جغرافيا ان شاء الله تكوني استفدتي من البنااات يالغاليه

أسرار العيـــــــــون

[سمووره]

[grade="00008B FF6347 008000 4B0082"]بصراحه طرق ولا ارووع منها

الف شكر لكم وأتمنى الأستفاده للجميع

الله يعافيكم يارب[/grade]