[poem=font="Simplified Arabic,5,red,normal,normal" bkcolor="transparent" bkimage="backgrounds/11.gif" border="none,4,gray" type=1 line=0 align=center use=ex num="0,black"]
كلّ الغلا لك يا هوى طيفك اغليه=تستاهله حتى الغلا نفسه اغلاك
معذورقلبي لوفرح إني اهديه= تبي الحقيقة قلبي اللي هو اهداك
حي المسا اللي نور بدْرك يضوّيه=عسى الحيا دايم على جوّ اضواك
لاجل النفل يزهى بشوفك ويزهيه=ولا ّانت ربي كمّلك حسن وازهاك
حسين دلّ والحلا فيك مرْويه =قصدي الدلال اللي ارتوى منك وارواك
تفداك روحي والبقا لروحك افديه = من غيرك افدي كلّي وروحي افداك
من غيرك ارجي يا فخر حبّ ارجيه=قلبي تشرف من عرف إني ابغاك
ياسِعْد من تحبّه ومن تهاويه=هنيّ قلبن يعشقك دوم يهواك
سعيد من شافك وزولك يلاقيه= يا حظ عين ٍ تسعد بيوم لقياك
ينسر خا طري لجل إسمك اطريه=في خاطري أ ناجي اسمك وطرياك
وانشد قصيدي فيك حب ّ واغنيه =تطرب بك البحور يابحر مغناك
بنيت لك في القلب مسكن مسوّيه =تعال واسكن ماحدن غير يسواك
آمر واتمّم امْرك اليوم راضيه =شعار قلبي الرضا لمن ارضاك
يا ما انتظرت جيّتك حبي ارويه = لك عقب ما ني في الحلم آتراواك
الحين هاش النور في عيني اوحيه =من طلّتك ملاك ما غيري اوحاك
أمطر بغيثك نا ظري وانت لا فيه =واغسل دموع العين يا زين ملفاك
خل الفرح يفرح بنورك ويد فيه = شعاع نور الشمس يانور مدفاك
يا مرحـــــبا مليار وانّك تحيـّيــه =هلا بغلا تعال حيــــّاك حيـــــّاك
أقولها جهر ولا نيـــــــب مخفيه =أموت في حبك ولا هوب يخفاك
وابعتذر ترى الخطا يومن اخطيه =من غير قصدي وأنا فدوة خطاك[/poem]
رد مع اقتباس
المشاركة الأصلية كتبت بواسطة راكان محمد
