السلام عليكم من جديد
ابي اقولكم موقف محرج صار مع وحده
في وحده تكره تاكل قدام خطيبها وفي يوم من الأيام راحت هي وخطيبها
من الظهر عشان ينقون عفش البيت قال الريال لخطيبته:ما تبين عصير شي
ريجج ناشف. قالتله:والله لايعه جبدي توني متريقه مو مشتهيه وهي ميته من
العطش بعد شوي دخلوا مطعم طبعا بعد ما غابت الشمس خطيبها يقولها
اكلي شي ما اكلتي شي من الصبح قالتله: والله مو مشتهيه حاسه الأكل بيطلع
من حلجي وهي ميته من الجوع ردوا بيت اهلها بالليل والريال يبي يتعشى
حطوا الاكل وهي قاعده يقولها:قومي اكلي من الصبح ما اكلتي شي
قالتله: والله طفحانه من الريوق قالها: انا بعرف شنو الريوق اللي ماكلته من الصبح وطفحانه منه. خلص الريال عشا ويبي يروح بيتهم وهي ناطرته بس يروح عشان تروح تاكل طلع الريال وهي راحت ركض على المطبخ تاكل بشحافه
رجع الريال لانه نسى مفاتيحه وراح يدور عليها بالبيت علشان يقولها انه رجع عشان يخاف المفاتيح دخل المطبخ ولقاها معبيه الاكل بحلجا وتاكل بشحافه
تصوروا شنو قالها او شنو سوى؟
انا اتوقع ان وقف يطالعها ويضحك عليها وانتوا شنو تتوقعون؟
يله اللي عنده موقف محرج صار معاه او مع غيره يدخل ويقوله
انشالله يعجبكم الموضوع
تحياتي لكم
شعشبونة
رد مع اقتباس
