[grade="00008b ff6347 008000 4b0082"]إن كنت تنشد يالمسيكي عـن الحـال.
مالي علـى كتمانهـا عنـك حيلـه
الصبر عن بـوح الاحاسيـس قتـال
والبوح في بعض المواقف ، فشيلـه
لو كل مايطري علـى البـال ينقـال
ماكـان شفـت ان الثقيلـه ثقيـلـه
ابطيت اكافح ضيقـة البـال بالبـال
وادفـع بـلا هاجوسهـا كـل ليلـه
لين اقبلت مثل .. السحابـه بهمـال
تشفـي غليـل اللـي تزايـد غليلـه
طاحت ، ولاْوفق من حناياك منـزال
وابطلبك ياهتان( تكمـى ) المخيلـه
ان قيل ترعد .. قلهم : صوت زلـزال
وان قيل تبرق شف لها ادنـاة حيلـه
مابي .. تناقلها هـل القيـل والقـال
وتصير من بعـد القصيـره طويلـه
ياهتان.. ماني عال .. لو صحتي عال
شفني من الصدمات نفسـي عليلـه
اشيـل حمـل ٍ لـو يشيلنـه جبـال
الله وامانـه غيـر تصبـح نثيـلـه
أرمي من هموم الزمن واسحب أدبـال
وانزل عن ( العالي ) وغيري يشيله
من كثر ماشفت بحياتي مـن انـذال
بديت اشـك ان النذالـه ... فضيلـه
ماطاح من عيني رجل طاحوا ..رجال
ورجال ( يابن حنيف ) ماهي قليلـه
اقرب من اللي قالهـم ضمـن ماقـال
راكان بن حثليـن راعـي الجزيلـه
( هذا ولد عـم ٍ وهـذا ولـد خـال
وهـذا رفيـقٍ مالقيـنـا بديله )
سبحان منهـو ياهتان غيّـر الحـال
وحط الجفـا بيـن الخليـل وخليلـه
هـذا الزمـن يبغالـه لـسـان دلاّل
من يستحي هالوقـت واعزتـي لـه
وقتٍ به ( الراعي ) غدى راعي دلال
كل ٍ علـى طاريـه ينفـض شليلـه
ومن كان ساسه للردى مضرب امثال
اليوم يحسـب مـن كبـار القبيلـه
المال يابن حنيف ملعون ابـو المـا
ذل العزيـز وعـز نـاس ٍ ذليـلـه
.[/grade]
.