[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحه مرني زمان(ن) مضى لي=يوم (ن) انا والزين في فرعة البيت
نضحك سوا والقلب من الهم خالي=واليوم حزين وكني بالنار طبيت
ضنيت بأن الوقت دايم صفالي=وادركت بأني في شقى الوقت مريت
يالموت ياللي خذتها ام العيالي=اخذتها قدام عيني وقفيت
اسهر على ذكراه طوال الليالي=من ونتي ون الفضا حين ونيت
اصفق بكفيني يميني بشمالي=على حياة(ن) كني فيها انا ميت
خليتني دايم سهير(ن) لحالي=خليتني لسود الليالي وتواريت
ضاع العقل مني بشوفه قبالي=صوب المغاسل ودمعة العين هليت
حطوه في وسط اللحد وهــامو الرمالي=حطو على قبره النواصب وصديت
ياذا الثرى ياللي سكن فيك غالي=فيك الحبيب وبأسمك الله له ادعيت
[/poem]