بسم الله الرحمن الرحيم
السلام عليكم ورحمة الله وبركاته
رسالة من القلب إلى القلب..وبالذات اهداء للبنات..
يمكن يكون تكرر على مسامعكم واااااايد وصرنا نعرفه ومتأكدين من حكمه بس للأسف نكرره ..لان صار الزمان اللي ماعندها صاحب أو صديق هي مو ع الموضه ودقة قديمه..وسوالفها بالنسبة للباقيات سخيفه..يمكن نكون بالنظر جذي ولكن خلونا نمشي ونحاكي بعضنا وندردش عن طريق محاكاة قلب فتاة لقلب اختها...في الله
انا ماكتبت هالموضوع إلا عسب اشل الغبار اللي يمكن غطى وغيم على عيونننا في الوضع الراهن...
حبوبه واخت في الله ماراح اقول لج هذا حرام ولا مايصيييييييييييييير لانج تعرفين والحق وااااااااااااضح جيت اكلمج بالواقع والمفروض ..جيت انسج لج احساسي واخلي الوريد يتلاقى مع وريدج ويضمه وينصحه بقلب صااااااااااااااادق...يمكن اليوم تكرهيني ولكن صدقيني باجر وانت تمشين مرفوعة الراس بتعرفين قدر معنى هذي الكلمات..
الله يسلمج الموضوع وهو الصحبةليش صارت ملفوفه بغموووووووووووض حالك..
هيه الصحبه وانا اعرف ان الفتاة القصد من وراه الزواج بس ياخت مهوب على احسابج وحساب هلج..
قبل لا تروحين وتندمين فكري بشي واحد..الوالد والوالده,,,كلمة من مد وتكرار حرف الدال لكن معناها واااااااااااااااااايد كبير ..وانت ادري اغلب الأهل وصلوا اليوم لما وصلوا له بتعب ومذلة..اللي اشتغل حمال ..ولي خدم قبل عند الكبارية..واللي واللي رضوا حتى بناطوووووووووور عند الباب تعرفين ليش بس عشان ايأمن لج مستقبل ولا يحييج انج غير عن الباقين ..وياحلاة التجاعيد خطت وجه الجميل ..وطبعاً لا يخفى عليكم تعب تربية اليهال وبالذات لا مرضوا اللي متزوج بيحسن واللي عنده اعيال اخت بيلاحظ يمكن ماشفنا اعمارنا وش كثر كنا متعبين لكن تقدرون تتأكدين من اي حد من شباب اليوم قدامكم وهو يشتكي من حشرة اليهال..اعيال اختكم ..اخوكم العم العمة ...الخ...وش كثر لازعلت تضيق الدنيا فيهم ..ولا فرحت تقول كنهم ملكوا الدنيا ومافيها..فحلوا منا ان نحن نقدر ونرد الجميل بصور مشرفة ..ما يبون منا شي بس بياض وجه..ويوقولون فلان والنعم عرف يربي..رساله للبنت اللي فكرت بالشاب وصارت تحاكيه باسم التطور والتعرف هل فكرت في هذا التجاعيد والتعب والله مايستاهل تنزلين راسه بالتراب ع شان ولد (السموحه ياشباب مهوب القصد اقلل من قيمتكم لا والله حشاكم )لكن انت بعد ماترضونه ع خواتكم ..نصحوا البنات ,,,لا شفتوهم يغلطون تذكر تكون جايز محد نصحها ..لا تلقون الليوم كله عليها هي صح غلطتك وانت غلطت لكن محد يطيح بها إلا الأهل..وهم ماستاهلون منا هذي الشي..وش قد حلو لما تمشي بفخر ولا تهاب إلا من اللي خلقك..والولد لا بغى البنت ماله إلا درب واحد وهوالزواج..هذا المتعارف عليه...فكري بالشيبان ..للحظه هل يستاهلون منا هذا الشي..أودر هلي وافضح ابوي ف الميالس وأكسر امي قدام الحريم عشان شو شو ؟؟؟ولا شي..كنت من زمان استغرب لما اشوف بنات برى مع شاب..وكان خاطري اقول لهم هذي الكلمة وأتمنى انكم تتفهمون القصد من ورى هذا الكلام ..وليش التقليل من شأن احد..والله يعلم بنيتي من صوبكم ..خلوا العقول هي بوصلتكم ..صح الانسان مايعرف يعيش من دون انس وشريكه الاخر ولكن درب الحلال وااااااااااضح...الله يوفقكم ياخواتي...واللي عندا اهل مثل هلي تحمد ربها ...علموني معنى ان تكون أسد مع الاسود وتكون وردة مع الورد لانك لو كنت ورده بوسط اسود راح تختل الموازييييييييييييين ...الله يكفيكم شر الشيطان وشركه..