(((بسم الله الرحمن الرحيم)))
أحبتي أسعد الله أوقاتكم بكل خير....!
إلى قلوبكم النقيه... بعد الغياب القسري.. الإعتذار واجب..!وقلوبكم تتسع لتقصيري..!
متواضعه تعانقكم على أمل ان تنال رضاكم عنها....!
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خذني من اللا حس والصمت والجـور=شفني تعبـت أعيـش وآنـا مكبّـل
يانور لكن ما انت مخلوق من نـور=غْصـون قلبـي يـم يـدّك تـهـدّل
أيامنا تُغـري والأحسـاس موفـور=صافح يديـن الوصـل قبـل إتعلّـل
عجزت اسقي الشوق في هجرك البور=وورود حبي كـل مـا اسقـى تذبّـل
ياكن حبـك ديـن والهجـر دستـور=وكْتـاب دستـورك بدمـي تسربّـل
كف الجفا تطعن والأحساس موتـور=وينزف عتب حبي واطيـح متجنـدّل
دثرني بحبـك بعَـد صـرت منثـور=في غيهـبٍ فيـه الظـلام مْتسـدّل
لا تقطع حْبال الرجا ماانـت مجبـور=أخـاف لا منـك رجـعـت آتـبـدل
ما كل من يخطي بعَد حيـن معـذور=وانا عجزت اصبـر معـك وآتقبّـل
وادي وصالي منك ماهوب ممطـور=وأشوف مزنك غـي وآقـول وبّـل
وأثرك بليا حب وأحسـاس وشْعـور=وأنا ما احب اعيـش مثـل المخبـل
أقلط على الأولى ولا آكـل السـور=وأزبـل اللـي يستـحـق يتـزبّـل
لو كان وقتي كل ما اشـوش وأثـور=اليـا حكمـت امْـن المعانـاة دبّـل
واللي يعيـش بوقتنـا كنـه الثـور=لا خاف مـن يمنـى الرياجيـل قبّـل
يعيش كنه من عنا الوقـت مخفـور=ولا جات عينك وسط عينيـه سبّـل
وانا ليا من ضقت مانيـب محـرور=بأغنـي طروقـي غيّـا فالمـجـدل
شاعر فكر لو كان من دون جمهـور=ماني من اللي صفقـوا لـه وطبّـل
ماعادني شاكي من الصمت والجـور=وبأعيش فـي دنيـا المعـزه مكبّـل [/poem]
رد مع اقتباس
-new.gif)
