بسم الله الرحمن الرحيم
السلام عليكم ورحمة الله وبركاته
،
،
[poem=font="Simplified Arabic,4,white,bold,normal" bkcolor="transparent" bkimage="backgrounds/37.gif" border="outset,4,gray" type=2 line=0 align=center use=ex num="0,black"]
زمان ( ن ) راح ياااااااا بعده مع الأحباب يجمعني =مع ألعابي ..ومع موطن أشوفه أجمل الأوطان
وطن أمي حضن دافي ..أمان بليل روّعني =زمان ( ن ) فات يا حلوه أبد مثله ما جت أزمان
زمان ( ن ) فيه أنا طفلة ولي وقتٍ يطاوعني=وألبس ثوبي الوردي وألعب بآخر البستان
بيدّي أحضن الورد الذي لي كان وش يعني =وألعب با الرمل والطين وما أهتم بالفستان
وابني لي قصر عالي مع ألعابي وياسعني =وإذا هو أنهدم قصري وطاحت منّه البيبان
أروح أشكى لها أمي وبالآمال تدفعني=تقول البيت دون الباب قصراً ما به السكان
وأرجع ابني ثم ابني بعد ما أمي تشجعني=ويرجع قصري العالي شموخه مثل ما هو كان
دلال وحب كانت به أعز الناس تـِمتعني =وكانت بسمتي دايم مع الأيام لي عنوان
يا يمه بعد ما رحتي ما عاد أحدن يدلعني =وحيدة ماحدن يمي وأشوف من العذاب ألوان
يا يمه نظرة العالم عقب موتك تضيّعني=يا يمه بنتك بوقت ( ن ) طواها بصفحة النسيان
يا ليت إن الزمن يرجع إلى الماضي و يـِرْجـعْـني =وأصير الطفلة اللي همها في لبسة الفستان
وأنا لو ألبس الأسود أقول بجد ( وش يعني ؟!! )=مجرد لون لا عادي أشوفه ضمن ها الألوان
ولا به شخص بالدنيا يحاول عنه يمنعني=أبمشي خطوتي الأولى وقصدي ديرة الأحزان [/poem]
،
،
وللجميع أطيب التحايا .